కొత్త ఆటోమేటిక్ ట్రాన్స్మిషన్ మరియు LED హెడ్లైట్లు, ఆరు ఎయిర్‌బ్యాగ్‌లు వంటి కొత్త ఫీచర్లతో విడుదలైన సిట్రోయన్ C3
ఈ అప్‌డేట్‌తో, C3 హ్యాచ్‌బ్యాక్ ధరలు రూ.30,000 వరకు పెరిగాయి.
-
సిట్రోయన్ C3 కారులోని టాప్-స్పెక్ షైన్ టర్బో వేరియంట్‌కు కొత్త ఆటోమేటిక్ ట్రాన్స్మిషన్ జోడించబడింది.
-
నవీకరించబడిన ఫీచర్ల జాబితాలో LED హాలోజన్ హెడ్లైట్లు, 7-ఇంచ్ డిజిటల్ డ్రైవర్ డిస్ప్లే మరియు ఆరు ఎయిర్‌బ్యాగ్‌లు ఉన్నాయి.
-
10.2-ఇంచ్ టచ్‌స్క్రీన్ మరియు స్టీరింగ్-మౌంటెడ్ కంట్రోల్స్ వంటి ఫీచర్లు ఇంక ఆఫర్లో ఉన్నాయి.
-
ఆటోమేటిక్ వేరియంట్ ధరలను ఇంకా ప్రకటించబడలేదు.
సిట్రోయన్ C3 హ్యాచ్‌బ్యాక్ మరియు సిట్రోయన్ C3 ఎయిర్‌క్రాస్‌ల అప్‌డేటెడ్ వెర్షన్లు సిట్రోయన్ బాసాల్ట్ ఆవిష్కరణ సందర్భంగా ప్రదర్శించబడ్డాయి. C3 హ్యాచ్‌బ్యాక్ ఇప్పుడు భారతదేశంలో కొత్త ఫీచర్లు మరియు సవరించిన ధరలతో విడుదల చేయబడింది. అంతేకాకుండా, సిట్రోయన్ టర్బో-పెట్రోల్ వేరియంట్లకు ఆటోమేటిక్ ట్రాన్స్మిషన్‌తో హ్యాచ్‌బ్యాక్‌ను కూడా ప్రవేశపెట్టింది, అయితే ధరలు ఇంకా వెల్లడించబడలేదు.
నవీకరించబడిన ఫీచర్లతో కొత్త వేరియంట్ల ధరలు ఇలా ఉన్నాయి.
| వేరియంట్ |
కొత్త ధర |
పాత ధర |
ధర వ్యత్యాసం |
| లివ్ |
రూ. 6.16 లక్షలు |
రూ. 6.16 లక్షలు |
వ్యత్యాసం లేదు |
| ఫీల్ |
రూ. 7.47 లక్షలు |
రూ. 7.27 లక్షలు |
+ రూ. 20,000 |
| ఫీల్ డ్యూయల్ టోన్ |
నిలిపివేయబడింది |
రూ. 7.42 లక్షలు |
N.A. |
| షైన్ |
రూ. 8.10 లక్షలు |
రూ. 7.80 లక్షలు |
+ రూ. 30,000 |
| షైన్ డ్యూయల్ టోన్ |
రూ. 8.25 లక్షలు |
రూ. 7.95 లక్షలు |
+ రూ. 30,000 |
| ఫీల్ టర్బో |
నిలిపివేయబడింది |
రూ. 8.47 లక్షలు |
N.A. |
| షైన్ టర్బో డ్యూయల్ టోన్ |
రూ. 9.30 లక్షలు |
రూ. 9 లక్షలు |
+ రూ. 30,000 |
| షైన్ టర్బో ఎటి |
ఇంకా ప్రకటించాల్సి ఉంది. |
N.A. |
N.A. |
ధరలు ఎక్స్-షోరూమ్, పాన్-ఇండియా
ఆటోమేటిక్ గేర్‌బాక్స్‌తో కూడిన టాప్-స్పెక్ షైన్ టర్బో వేరియంట్ ధరలు ఇంకా ప్రకటించబడలేదు. అంతేకాకుండు, ఫీల్ టర్బో వేరియంట్ ఇప్పుడు నిలిపవేయబడింది. ఈ సిట్రోయన్ ఆఫర్‌లోని కొత్త విషయాలను ఇప్పుడు పరిశీలిద్దాం:
కొత్తగా ఏముంది?
సిట్రోయన్ C3 హ్యాచ్‌బ్యాక్ ఇప్పటికీ అదే 1.2-లీటర్ నాచురల్లీ ఆస్పిరేటెడ్ మరియు 1.2-లీటర్ టర్బో-పెట్రోల్ ఇంజిన్లతో వస్తుంది. అయితే, తరువాతిది ఇప్పుడు మాన్యువల్ గేర్‌బాక్స్‌తో పాటు ఆప్షనల్ 6-స్పీడ్ ఆటోమేటిక్ ట్రాన్స్మిషన్‌ను పొందుతుంది.
నవీకరించబడిన C3కి ఎక్స్టీరియర్ డిజైన్‌లో ఎటువంటి మార్పులు లేవు, కానీ ఇప్పుడు మునుపటి హాలోజన్ యూనిట్ల స్థానంలో LED ప్రొజెక్టర్ హెడ్లైట్లు వచ్చాయి. అవుత సైడ్ రేర్ వ్యూ మిర్రర్లు (ORVMs) ఇప్పుడు ఇంటిగ్రేటెడ్ టర్న్ ఇండికేటర్లతో వచ్చాయి, ఇండికేటర్లు గతంలో ఉన్న ఫ్రంట్ ఫెండర్లు ఇప్పుడు కొత్త సిట్రోయెన్ బ్యాడ్జ్‌ను కలిగి ఉన్నాయి. అంతేకాకుండా, ORVMs ఇప్పుడు ఎలెక్ట్రికల్‌గా అడ్జస్ట్ చేయదగినవి మరియు ఫోల్డ్ చేయదగినవి. వాషర్‌తో కూడిన రేర్ విండ్‌షీల్డ్ వైపర్ కూడా జోడించబడింది.
లోపల, డ్యాష్‌బోర్డ్ డిజైన్ అలాగే ఉంది, కానీ C3కి ఇప్పుడు C3 ఎయిర్‌క్రాస్ SUV నుండి తీసుకున్న 7-ఇంచ్ ఫుల్‌గా డిజిటల్ డ్రైవర్ డిస్ప్లే ఉంది. ఇది ఆటోమేటిక్ AC తో కూడా వస్తుంది మరియు పవర్ విండో స్విచ్‌లు సెంటర్ కన్సోల్ నుండి డోర్ ప్యాడ్‌లకు మార్చబడ్డాయి. భద్రతా విషయానికి వస్తే, రెండు సిట్రోయన్ మోడళ్లు ఇప్పుడు ఆరు ఎయిర్‌బ్యాగ్‌లతో వస్తాయి.
ఈ నవీకరణలు చాలా స్వాగతించదగ్గవి మరియు C3ని మరింత ఆకర్షణీయంగా చేసినప్పటికీ, రియర్ హెడ్‌రెస్ట్‌లు, కీలెస్ ఎంట్రీతో పుష్ బటన్ స్టార్ట్ మరియు క్రూయిజ్ కంట్రోల్ వంటి ఫీచర్లు ఇప్పటికీ లేవు.
ఇది కూడా చదవండి: సిట్రోయెన్ బసాల్ట్ వేరియంట్ల వారీగా ధరలు వెల్లడి, త్వరలో డెలివరీలు ప్రారంభం
ఇతర ఫీచర్లు మరియు భద్రతా టెక్నాలజీ
సిట్రోయన్ C3 హ్యాచ్‌బ్యాక్ వైర్‌లెస్ ఆండ్రాయిడ్ ఆటో మరియు యాపిల్ కార్‌ప్లేతో కూడిన 10.2-ఇంచ్ టచ్‌స్క్రీన్ ఇన్ఫోటైన్మెంట్ సిస్టమ్, స్టీరింగ్-మౌంటెడ్ ఆడియో కంట్రోల్స్, రిమోట్ లాకింగ్/అన్‌లాకింగ్ మరియు ఎత్తు సర్దుబాటు చేయగల డ్రైవర్ సీటు వంటి కీలక ఫీచర్లను అందిస్తుంది.
భద్రత విషయానికి వస్తే, సిట్రోయన్ C3 ఎలక్ట్రానిక్ స్టెబిలిటీ కంట్రోల్, హిల్ హోల్డ్ అసిస్ట్, టైర్ ప్రెషర్ మానిటరింగ్ సిస్టమ్ (TPMS) మరియు సెన్సార్లతో రేర్ పార్కింగ్ కెమెరాతో అమర్చబడింది.
పవర్‌ట్రైన్ ఎంపికలు
సిట్రోయన్ C3 రెండు ఇంజిన్ ఆప్షన్లతో లభ్యమవుతుంది. మొదటి ఆప్షన్ 1.2-లీటర్ నాచురల్లీ ఆస్పిరేటెడ్ ఇంజిన్, ఇది 82 PS పవర్ మరియు 115 Nm టార్క్‌ను అందిస్తుంది, దీనికి 5-స్పీడ్ మాన్యువల్ ట్రాన్స్మిషన్ జత చేయబడింది.
రెండవది 1.2-లీటర్ టర్బో-పెట్రోల్ ఇంజిన్, ఇది 110 PS పవర్ మరియు 205 Nm వరకు టార్క్‌ను ఉత్పత్తి చేస్తుంది, దీనికి 6-స్పీడ్ మాన్యువల్ గేర్‌బాక్స్ లేదా కొత్త 6-స్పీడ్ ఆటోమేటిక్ ట్రాన్స్మిషన్ జత చేయబడి ఉంటుంది.
ప్రత్యర్థులు
సిట్రోయెన్ C3 మారుతి వ్యాగన్ R, మారుతి సెలెరియో మరియు టాటా టియాగోలతో పోటీపడుతుంది. దీని ధర మరియు కొలతలను బట్టి, ఇది నిస్సాన్ మాగ్నైట్, రెనాల్ట్ కిగర్, టాటా పంచ్ మరియు హ్యుందాయ్ ఎక్స్టర్ వంటి కాంపాక్ట్ SUVలకు ప్రత్యర్థిగా ఉంటుంది.
ఆటోమొబైల్ ప్రపంచం నుండి తక్షణ అప్‌డేట్‌లను పొందడానికి కార్ దేఖో వాట్సాప్ ఛానెల్‌ను ఫాలో అవ్వండి.
మరింత చదవండి: C3 ఆన్‌రోడ్ ధర