నింగికెగిసిన మారుతి సుజుకి విక్రయాలు "మే 2015 లో 14 శాతం" పెరుగుదల

ఢిల్లీ: మారుతి సుజుకి ఇండియా లిమిటెడ్ తన మే 2015 సంవత్సర విక్రయాల వృద్ధి రేటు 13.8 శాతం పెరిగినట్టు వెల్లడించింది. దేశంలో అతి పెద్ద లీడింగ్ కంపనీ అయిన మారుతి వాహనతయారీ సంస్థ రిటైల్ మార్కెట్ లో ఇప్పటికి 1,14,825 యూనిట్ల కార్లను  విక్రయించగా, వాటిలో స్వదేశీ మార్కెట్ లో 1,02,359 యూనిట్ల కార్లను మరియు 12,466  యూనిట్ల కార్లను విదేశాలకు ఎగుమతి చేసింది. అదే గత ఏడాది వీరి విక్రయాలు 1,00,709 యూనిట్లు అనగా, 27 శాతం అమ్మకాలు తగ్గిపోయాయి.

మారుతి సుజుకి మిని సిగ్మెంట్ అయిన ఆల్టో, వ్యాగన్ ఆర్ విక్రయాలు 20 శాతం పెరిగాయి. వీటి అమ్మకాల విషయానికి వస్తే, గత ఏడాది 2014 మే లో 29,068 యూనిట్లను అమ్మగా ఈ ఏడాది 2015 మే లో  35,062 యూనిట్లుగా నమోదయ్యాయి. కాంపాక్ట్ సెగ్మెంట్ విక్రయాలు విషయానికి వస్తే,వీటిలో స్విఫ్ట్, రిట్జ్, సెలెరియో, డిజైర్ గత ఏడాది మే 2014 లో 44,455 యూనిట్ల ను విక్రయించగా ఈ ఏడాది 2015 మే లో 41,926 యూనిట్లు. అంతే దాదాపు 6 శాతం తగ్గుముఖం పట్టాయి. డిజైర్ విషయానికి వస్తే, మే 2014 లో 892 యూనిట్ల నుంచి 2015 మే లో 3190 యూనిట్లకు అత్యధికంగా పెరిగింది. అంటే, 257.6 శాతం పెరిగింది అని అర్ధం  

మిడ్-సైజ్ సెగ్మెంట్ విషయానికి వస్తే, సంవత్సర అమ్మకాలలో ఈ మే నెలలో అత్యంత అధిక అమ్మకాలను అంటే, 4000 శాతం ఎక్కువ అమ్మకాలను చోటు చేసుకుంది. ఈ సియాజ్ సెడాన్ సాధించిన అమ్మకాలు ఎలా ఉన్నాయో చూద్దాం. మారుతి సుజుకి సియాజ్ మే 2014 లో 121 యూనిట్లను అమ్మగా 2015 మే లో 5012 యూనిట్లు నమోదవ్వడం జరిగినది. యుటిలిటీ వాహనాలు విభాగం విషయానికి వస్తే, జిప్సీ, గ్రాండ్ విటారా మరియు ఎర్టిగా అమ్మకాలు పెరుగుతూ వచ్చాయి. వాటి అమ్మకాలు గత ఏడాది మే లో 5253 యూనిట్ల ను అమ్మగా ఈ ఏడాది 2015 మే లో 5,567 యూనిట్లు స్వల్పంగా పెరిగింది. ఓమ్ని, ఈకో వాహనాల విషయానికి వస్తే, గత ఏడాది 2014 మే లో 10,771 యూనిట్లు అమ్మగా 2015 మే లో 11,602 యూనిట్లు స్వల్పంగా అమ్ముడయ్యాయి.