Mahindra XUV700కు పోటీగా 2026 నాటికి భారత్ లో కొత్త SUVని విడుదల చేయనున్న Toyota

నివేదికల ప్రకారం, జపనీస్ కార్ల తయారీ సంస్థ భారతదేశంలో హైరైడర్ కాంపాక్ట్ SUV మరియు హైక్రాస్ MPV మధ్య ఒక SUVని విడుదల చేసే అవకాశం ఉనట్టు తెలుస్తోంది

• భారత్ లో టయోటా వృద్ధి ప్రణాళికకు సంబంధించిన తాజా నివేదిక వెల్లడైంది.

• నివేదిక ప్రకారం, కార్ల తయారీ సంస్థ తన మూడవ తయారీ కర్మాగారాన్ని భారతదేశంలో ఏర్పాటు చేయవచ్చని వెల్లడైంది.

• కంపెనీ 340D కోడ్ నేమ్ తో కొత్త మిడ్-సైజ్ SUVని రూపొందించే పనిలో ఉంది.

• ఫార్చ్యూనర్ కంటే ఎక్కువ మరియు ల్యాండ్ క్రూయిజర్ కంటే తక్కువ లగ్జరీ SUVని భారత్లో విడుదల చేయాలని కంపెనీ భావిస్తోంది.

టయోటా యొక్క భారతీయ కార్ల లైనప్లో కొన్ని ప్రీమియం మోడళ్ళు ఉన్నాయి, SUVలతో సహా దాదాపు అన్నీ కీలక సెగ్మెంట్లలో ఇప్పటికీ పోటీదారులు లేరు. రాయిటర్స్ సమర్పించిన తాజా నివేదిక ప్రకారం, టయోటా అర్బన్ క్రూయిజర్ హైరైడర్ మరియు టయోటా ఇన్నోవా హైక్రాస్ మధ్య కొత్త SUVని భారతదేశంలో విడుదల చేసే అవకాశం ఉన్నట్లు తెలుస్తోంది.

ఇంతవరకూ తెలుసిన విషయాలు?

టయోటా ఈ SUVని 340D అనే కోడ్ నేమ్ తో తయారు చేస్తున్నట్లు రాయిటర్స్ నివేదిక పేర్కొంది. కాంపాక్ట్ SUV సెగ్మెంట్ లో కంపెనీ తన హైరైడర్ SUVని విడుదల చేసినందున, ఈ కొత్త SUVని భారతదేశంలోని మిడ్-సైజ్ SUV సెగ్మెంట్ లో విడుదల చేయవచ్చని భావిస్తున్నాము, ఇది మహీంద్రా XUV700, టాటా హారియర్ మరియు MG హెక్టర్ లతో పోటీపడుతుంది. ఈ SUV కార్ల ఎక్స్ షోరూమ్ ధర రూ.15 లక్షల నుంచి రూ.25 లక్షల మధ్య ఉంటుంది.

ఈ కొత్త SUVని 2026 నాటికి విడుదల చేస్తామని, భారత్ నుంచి ఇతర రైట్ హ్యాండ్ డ్రైవ్ మార్కెట్లకు ఎగుమతి చేస్తామని, సంవత్సరానికి 60,000 యూనిట్లను ఉత్పత్తి చేయాలని లక్ష్యంగా పెట్టుకున్నట్లు నివేదిక పేర్కొంది. ఇది కాకుండా, టయోటా భారతదేశంలో మూడవ కొత్త తయారీ కర్మాగారాన్ని కూడా ఏర్పాటు చేయవచ్చు. దీనిపై టయోటా ప్రతినిధుల నుంచి ఎలాంటి సమాచారం లేదు.

టయోటా మరో SUVని ఎందుకు తీసుకురావాలని చూస్తోంది?

చాలా కాలంగా టయోటాకు చెందిన ఇన్నోవా ఎమ్ పివి, ఫార్చ్యూనర్ ఫుల్ సైజ్ SUV వంటి పెద్ద కార్లు ఇక్కడ బాగా ప్రాచుర్యం పొందాయి. కంపెనీ ఇప్పుడు మారుతి సుజుకితో భాగస్వామ్య మోడల్ ద్వారా కాంపాక్ట్ SUV సెగ్మెంట్ లోకి ప్రవేశించింది. ఈ భాగస్వామ్యం యొక్క అత్యంత విజయవంతమైన మోడల్ అర్బన్ క్రూయిజర్ హైరైడర్, ఇది మారుతి గ్రాండ్ విటారా ఆధారంగా రూపొందించబడింది మరియు ఈ రెండు కాంపాక్ట్ SUVలకు బలమైన హైబ్రిడ్ వేరియంట్లతో ఆల్-వీల్ డ్రైవ్ యొక్క ప్రత్యేక ఎంపిక ఇవ్వబడింది.

ప్రస్తుతం, భారత ప్రభుత్వం డీజిల్ ఇంజిన్లను నిషేధించాలని భావిస్తున్నప్పటికీ, టయోటా భారత SUV మార్కెట్లో చాలా డిమాండ్ ను చూసింది, ప్రత్యేకించి బలమైన హైబ్రిడ్ పవర్ట్రెయిన్లు.

మిడ్ సైజ్ SUV ఎందుకు?

సబ్-కాంపాక్ట్ SUV సెగ్మెంట్ లో, మారుతి స్థానం చాలా బిగ్గరగా ఉంది, దీని బ్రెజ్జా ఈ సెగ్మెంట్ లో చాలా ప్రజాదరణ పొందిన కారు. ఇది కాకుండా, 2023 టాటా నెక్సాన్ మరియు హ్యుందాయ్ వెన్యూ ప్రీమియం టెక్నాలజీ కారణంగా ఈ విభాగంలో చాలా ప్రాచుర్యం పొందాయి. అందువల్ల, టయోటా ఇకపై అర్బన్ క్రూయిజర్ ను తిరిగి ప్రారంభించడం గురించి ఆలోచించకపోవచ్చు. టయోటా పెద్ద SUV కారులపై ఉన్న నైపుణ్యాన్ని మిడ్-సైజ్ SUV పై ఉపయోగించి మహీంద్రా XUV700 మరియు టాటా హారియర్ వంటి SUV కార్లకు పోటీగా నిలవచ్చు.

మరో SUVని విడుదల చేసే యోచన ఉందా?

ల్యాండ్ క్రూయిజర్ లగ్జరీ SUV యొక్క మినీ వెర్షన్ను కూడా కంపెనీ భారతదేశంలో విడుదల చేయవచ్చని రాయిటర్స్ నివేదిక సూచిస్తుంది, ఇది టయోటా ఫార్చ్యూనర్ కంటే లగ్జరీగా ఉంటుంది. ఈ బ్రాండ్ ప్రజాదరణ పొందితే, ఈ SUVని భారతదేశంలోనే అసెంబుల్ చేయవచ్చు, ఈ కారణంగా దీని ధర కూడా తగ్గే అవకాశం ఉంది.

Source

ఇది కూడా చదవండి: మహీంద్రా XUV700 ఆన్ రోడ్ ధర