హ్యుందాయ్ క్రెటా 2015-2020

హ్యుందాయ్ క్రెటా ధర: 2018 హ్యుందాయ్ క్రెటా ఫేస్లిఫ్ట్ వెర్షన్ ధర రూ. 9.50 లక్షల నుండి రూ. 15.10 లక్షల (ఎక్స్-షోరూమ్ ఢిల్లీ) వద్దఉంటుంది. ఈ వాహనం ఐదు వేరియంట్ లలో కొనుగోలుదారులకు అందుబాటులో ఉంది, అవి వరుసగా- ఈ, ఈ+, ఎస్, ఎస్ ఎక్స్, ఎస్ ఎక్స్ (ఓ).మరిన్ని వివరాలకు ఇక్కడ చదవండి.

హ్యుందాయ్ క్రెటా ఇంజన్: - ఈ వాహనం అవుట్గోయింగ్ మోడల్ లో ఉండే అవే ఇంజన్ ఎంపికలతో అందుబాటులో ఉంది. 2018 క్రెటా క్రింది మూడు ఎంపికలు తో అందుబాటులో ఉంది. అవి వరుసగా, 1.6 లీటర్ పెట్రోల్, 1.4 డీజిల్ మరియు 1.6 డీజిల్ ఇంజన్. ముందుగా 1.6 లీటర్ పెట్రోలు ఇంజన్ విషయానికి వస్తే, అత్యధికంగా 123 పిఎస్ పవర్ ను అలాగే అత్యధికంగా 151 ఎన్ ఎం గల టార్క్ లను అందించే సామర్ధ్యాన్ని కలిగి ఉంటుంది. అదే 1.4 లీటర్ డీజిల్ ఇంజన్ విషయానికి వస్తే అత్యధికంగా 90 పిఎస్ పవర్ ను అలాగే 220 ఎన్ ఎం గల టార్క్ లను విడుదల చేసే సామర్ధ్యాన్ని కలిగి ఉంటుంది. మరోవైపు, 1.6 లీటర్ డీజిల్ ఇంజన్ విషయానికి వస్తే అత్యధికంగా 128 పిఎస్ పవర్ ను అలాగే 260 ఎన్ ఎం గల టార్క్ లను విడుదల చేస్తుంది. 1.6 లీటర్ పెట్రోల్, డీజిల్ యూనిట్లు 6- స్పీడ్ ఆటోమేటిక్ ట్రాన్స్మిషన్ తో జత చేయబడి ఉంటాయి అయితే ఈ మూడు ఇంజిన్లు, 6- స్పీడ్ మాన్యువల్ గేర్బాక్స్ తో జత చేయబడి అందుబాటులో ఉన్నాయి.

హ్యుందాయ్ క్రెటా లక్షణాలు: ఈ 2018 క్రెటా వాహనం పోటీకి ప్రతిస్పందనగా, హ్యుందాయ్ ముందు అవుట్గోయింగ్ మోడల్ లో ఉండే అంశాల కంటే ఎక్కువ లక్షణాలను కలిగి ఉన్న 2018 క్రెటాను మన ముందుకు తీసుకొచ్చింది. ఈ వాహనం యొక్క అగ్ర శ్రేణి వేరియంట్ విషయానికి వస్తే, ఎస్ఎక్స్ (ఓ) వేరియంట్ లో ఒక ఎలక్ట్రిక్ సన్రూఫ్, ఒక 7- అంగుళాల టచ్స్క్రీన్ టీవీ వ్యవస్థ తో కూడిన ఆపిల్ కార్ ప్లే మరియు యాండ్రాయిడ్ ఆటో రెండు మద్దతులతో వస్తుంది. అంతేకాకుండా, వైర్లెస్ మొబైల్ ఛార్జింగ్ డాక్, 6- మార్గాలలో విద్యుత్ తో సర్ధుబాటయ్యే డ్రైవర్ సీటు, పుష్ బటన్ ప్రారంభం స్మార్ట్ కీ బ్యాండ్ తో వస్తుంది, సెన్సార్ల తో కూడిన రివర్స్ పార్కింగ్ సెన్సార్లు, క్రూజ్ కంట్రోల్, వెనుక వెంట్ లతో కూడిన ఆటోమేటిక్ క్లైమేట్ కంట్రోల్, ఆటో డిమ్మింగ్ ప్రభావం కలిగిన లోపలి రేర్ వ్యూ మిర్రర్ లు (ఐఆర్విఎం), యాంత్రికంగా సర్దుబాటు చేసుకోవడానికి వీలున్న సైడ్ రేర్ వ్యూ మిర్రర్లు (ఓఆర్విఎం లు) మరియు వంపు- సర్దుబాటు కలిగిన స్టీరింగ్ వీల్ వంటి అద్భుతమైన లక్షణాలు అందించబడ్డాయి.

హ్యుందాయ్ క్రెటా భద్రతా అంశాలు: హ్యుండాయ్ 2018 క్రెటా భద్రతా విషయంలో చాలా శ్రద్ధ తీసుకుంది. అంతేకాకుండా కార్ల తయారీదారుడు కీలకమైన భద్రతా అంశాలను అందించి కొనుగోలుదారులను తన వైపు తిప్పుకుంటున్నాడు. కార్ల తయారీదారుడు ప్రస్తుతం ఈ వాహనంలో, ద్వంద్వ ఫ్రంట్ ఎయిర్ బాగ్స్ మరియు ఏబిఎస్ తో పాటు ఈబిడి అంశాలను ఈ వాహనం యొక్క అన్ని వేరియంట్ లలో ప్రామాణికంగా అందిస్తుంది. ఈ వాహనం యొక్క అగ్ర శ్రేణి వేరియంట్ లో, సైడ్ మరియు కర్టెన్ ఎయిర్బాగ్స్, వాహన స్థిరత్వ నియంత్రణ, ఎలక్ట్రానిక్ స్థిరత్వ నియంత్రణ మరియు హిల్ లాంచ్ అసిస్ట్ వంటి లక్షణాలను ఈ వాహనానికి అందించాడు. అయితే, ఐసోఫిక్స్ చైల్డ్ సీటు యాంకర్స్, ఆటోమేటిక్ ట్రాన్స్మిషన్ వంటి అంశాలు ఎస్ ఎక్స్ వేరియంట్ లో మాత్రమే అందుబాటులో ఉన్నాయి.

పోటీ: 2018 క్రెటా వాహనం, నవీకరణలతో పుష్కలంగా అనేక అంశాలతో నింపబడి ఉంది. ఈ వాహనం, మారుతి ఎస్- క్రాస్, రెనాల్ట్ డస్టర్ట్, మరియు రెనాల్ట్ క్యాప్చర్ వంటి వాహనాలకు గట్టి పోటీను ఇస్తుంది.