టాటా SUV రెడ్ డార్క్ ఎడిషన్‌లు వచ్చేశాయి

నెక్సాన్, హ్యారియర్, సఫారీల ప్రత్యేక ఎడిషన్ؚలలో కొన్ని అదనపు ఫీచర్‌లతో పాటు లోపల, వెలుపలి భాగాలపై ఎరుపు రంగు ఇన్సర్ట్ؚలను కలిగి ఉన్నాయి

హ్యారియర్, సఫారీల రెడ్ డార్క్ ఎడిషన్‌లను టాటా ఆటో ఎక్స్ؚపో 2023లో ప్రదర్శించింది, ప్రత్యేక ఎడిషన్ గల నెక్సాన్ టిజర్‌ను ఇటీవల ఈ కార్ తయారీదారులు విడుదల చేశారు. టాటా సరికొత్త ప్రత్యేక ఎడిషన్‌లు వాటి విలక్షణమైన వీక్షణ నవీకరణలు, కొత్త ఫీచర్‌లతో వచ్చేశాయి.

ధర

రెడ్ డార్క్ ఎడిషన్‌ల ధరలు ఈ క్రింది విధంగా ఉన్నాయి:

అన్నీ ఎక్స్-షోరూమ్ ధరలు

నెక్సాన్ రెడ్ డార్క్ ఎడిషన్‌లు టాప్-స్పెక్ XZ+LUXS వేరియెంట్‌లపై ఆధారపడ్డాయి, సంబంధిత వేరియెంట్‌ల కంటే రూ.34,000 ఎక్కువ ధరను కలిగి ఉన్నాయి. హ్యారియర్ మరియు సఫారీ విషయంలో, ఈ ప్రత్యేక ఎడిషన్ XZ+వేరియెంట్‌లను పోలి ఉంటుంది, ధర రూ. 45,000 ఎక్కువ ఉంటుంది. అధీకృత టాటా డీలర్ షిప్ వద్ద రూ.30,000 చెల్లించి ఈ రెడ్ డార్క్ ఎడిషన్ మోడల్‌లపై మీ పేరును రాయించుకోవచ్చు.

వెలుపల కొత్తగా వచ్చినవి ఏమిటి

మోటార్ షోలో ప్రదర్శించినట్లు, హ్యారియర్ మరియు సఫారీలు గ్రిల్ؚలో రెడ్ ఇన్సర్ట్ؚలను, ఎరుపు రంగు బ్రేక్ క్యాలిపర్‌లను, ఫ్రంట్ ఫెండర్‌పై ఎరుపు రంగులో #ముదురు బ్యాడ్జింగ్ؚను పొందుతాయి. 18 అంగుళాల అల్లాయ్ؚలు చార్‌కోల్ బ్లాక్ రంగులో వస్తాయి. నెక్సాన్ؚకు కూడా ఇదే తరహాలో వస్తున్నపటికి, 16 అంగుళాల వీల్స్ ఇప్పటికీ బ్లాక్‌స్టోన్ రంగులోనే ఉన్నాయి, రెడ్ బ్రేక్ క్యాలిపర్‌లు కూడా లేవు. ఈ ఎరుపు రంగు క్యాబిన్ؚలో మరింత స్పష్టంగా కనిపిస్తూ, ఇప్పుడు నల్లటి డ్యాష్‌బోర్డ్, రెడ్ ఇన్సర్ట్ؚలతో కార్నెలియన్ రెడ్ థీమ్ కలిగి ఉంది.

కొత్త ఫీచర్‌లు

పెద్ద SUVలు అనేక ఫీచర్ నవీకరణలను కూడా పొందుతున్నాయి, వీటిలో ఏడు-అంగుళాల డిజిటల్ డ్రైవర్ డిస్ప్లే, 10.25 అంగుళాల టచ్‌స్క్రీన్ ఇన్ఫోటైన్ؚమెంట్ డిస్ప్లే, రెడ్ యాంబియంట్ లైటింగ్, మెమరీతో సిక్స్-వే పవర్డ్ డ్రైవర్ సీట్, వెల్కమ్ ఫంక్షన్, 360-డిగ్రీ కెమెరా, ADAS ఫీచర్‌లు ఉన్నాయి. సఫారీ ఇప్పుడు ఎలక్ట్రిక్ బాస్ మోడ్ (వెనుక కూర్చునే ప్రయాణీకుల కోసం మరింత లెగ్ రూమ్ ఇవ్వడానికి పూర్తిగా ముందుకు జరపగలిగే సీట్) ఫోర్-వే పవర్-అడ్జస్టబుల్ కో-డ్రైవర్ సీట్‌తో మరిన్ని ఎక్కువ ఫీచర్‌లను కలిగి ఉంటుంది. పనోరమిక్ సన్ؚరూఫ్ కోసం మూడ్ లైటింగ్ కూడా ఉంటుంది.

ఈ రెడ్ డార్క్ ఎడిషన్ؚలో 4 మీటర్‌ల కంటే తక్కువ ఎత్తు గల నెక్సాన్ؚకు ఎటువంటి ఫీచర్ నవీకరణలు లేవు.

అవే పవర్ ట్రెయిన్ؚలు

మూడు SUVలు, అవుట్‌పుట్‌లో ఎటువంటి మార్పులు లేకుండా మునపటి ఇంజన్‌లనే కలిగి ఉన్నాయి. హ్యారియర్, సఫారీలు 2.0-లీటర్ డీజిల్ ఇంజన్‌లను కొనసాగిస్తున్నాయి, నెక్సాన్ ఇప్పటికీ 1.2-లీటర్ టర్బో-పెట్రోల్ ఇంజన్ మరియు 1.5-లీటర్ డీజిల్ యూనిట్‌లను అందిస్తుంది. ఈ ఇంజన్‌లు రాబోయే అన్నీ ఉద్గార నిబంధనలకు అనుగుణంగా ఉంటాయి.

పోటీదారులు

ఈ ప్రత్యేక ఎడిషన్‌లకు మార్కెట్‌లో ప్రత్యక్ష పోటీదారులు ఏవీ లేవు కానీ ప్రస్తుతం ఉన్న పోటీదారులతోనే పోటీ పడతాయి. నెక్సాన్ పోటీదారులలో హ్యుందాయ్ వెన్యూ, కియా సోనెట్, మారుతి బ్రెజ్జా ఉన్నాయి. హ్యారియర్, సఫారీల పోటీదారుల జాబితాలో మహీంద్రా XUV700, MG హెక్టర్/హెక్టర్ ప్లస్, హ్యుందాయ్ ఆల్కజర్ వంటి మోడల్‌లు ఉన్నాయి.

ఇది కూడా చదవండి: ఇప్పుడు BS6 ఫేజ్ II ఉద్గార నిబంధనలను అనుగుణంగా ఉన్న టాటా ICE లైన్అప్

ఇక్కడ మరింత చదవండి: నెక్సాన్ AMT