Lamborghini యొక్క Urus SE ఒక 800 PS ప్లగ్-ఇన్ హైబ్రిడ్ స్పోర్ట్స్ SUV

ఇది 29.5 కిలోవాట్ల బ్యాటరీ ప్యాక్ మరియు 4-లీటర్ V8 కు మద్దతు ఇచ్చే ఎలక్ట్రిక్ మోటార్లను పొందుతుంది, ఇది గంటకు 0 నుండి 100 కిలోమీటర్ల వేగాన్ని అందుకోవడానికి కేవలం 3.4 సెకన్లు పడుతుంది.

• ఇది 4-లీటర్ V8 ఇంజిన్తో పనిచేస్తుంది, ఇది 620 PS మరియు 800 Nm ఉత్పత్తి చేస్తుంది.

• అదనపు ఎలక్ట్రిక్ మోటారుతో, ఇది 800 PS మరియు 950 Nm కంబైన్డ్ పవర్ అవుట్‌పుట్‌ను అందిస్తుంది.

• ప్యూర్ EV మోడ్‌లో 60 కిలోమీటర్లు ప్రయాణించగలదు.

• ఉరుస్ SE కొన్ని డిజైన్ నవీకరణలను పొందుతుంది మరియు క్యాబిన్ పెద్ద ఇన్ఫోటైన్‌మెంట్ సిస్టమ్‌తో వస్తుంది.

• ఇది 2025 మధ్య నాటికి భారతదేశంలో విడుదల అయ్యే అవకాశం ఉంది.

లంబోర్ఘిని ఉరుస్ SEని అంతర్జాతీయ మార్కెట్‌లో ఆవిష్కరించారు. ఇది కంపెనీ యొక్క మొదటి ప్లగ్-ఇన్ హైబ్రిడ్ స్పోర్ట్స్ SUV మరియు శక్తివంతమైన 800 PS హైబ్రిడ్ సిస్టమ్ మరియు ట్విన్-టర్బో V8 ఇంజన్ కలయికతో వస్తుంది. ఉరుస్ SE కొన్ని స్టైలింగ్ నవీకరణలను కూడా పొందుతుంది, వీటిని మనం తరువాత తెలుసుకుందాం:

పవర్ ట్రైన్

ఉరుస్ SEలో 4-లీటర్ టర్బోఛార్జ్డ్ V8 ఇంజన్ ఉంది, ఇది 620 PS మరియు 800 Nm ఉత్పత్తి చేస్తుంది. ఈ ఇంజన్ 8-స్పీడ్ ఆటోమేటిక్ ట్రాన్స్‌మిషన్‌తో జతచేయబడి ఉంటుంది, ఇది నాలుగు చక్రాలకు శక్తిని పంపుతుంది. ఈ ఇంజన్ 25.9 కిలోవాట్ల బ్యాటరీ ప్యాక్‌తో నడిచే ఎలక్ట్రిక్ మోటారుకు శక్తినిచ్చే ప్లగ్-ఇన్ హైబ్రిడ్ సిస్టమ్‌ను కూడా పొందుతుంది. ఇంజన్ మరియు మోటార్ యొక్క సంయుక్త పవర్ అవుట్‌పుట్ 800 PS మరియు 950 Nm.

ఇది కూడా చదవండి: 2024 జీప్ రాంగ్లర్ విడుదల, ధర రూ.67.65 లక్షల నుండి ప్రారంభం

ఉరుస్ SE గంటకు 0 నుండి 100 కిలోమీటర్ల వేగాన్ని అందుకోవడానికి కేవలం 3.4 సెకన్లు పడుతుంది, దీని ప్రకారం ఇది ఉరుస్ S కంటే 0.1 సెకన్ల వేగాన్ని అందుకుంటుంది. దీని ప్లస్ పాయింట్ ఏమిటంటే ఇది ప్లగ్-ఇన్ హైబ్రిడ్ కారు, కాబట్టి మీరు దీనిని స్వచ్ఛమైన EVలో గంటకు 130 కిలోమీటర్ల వేగంతో 60 కిలోమీటర్లు నడపవచ్చు. దీని ఎలక్ట్రిక్ మోటార్ యొక్క పవర్ అవుట్‌పుట్‌ (192 PS/ 483 Nm) నాలుగు వీల్స్ కి పంపిణీ చేయబడుతుంది.

డిజైన్

ఉరుస్ SE చూడటానికి ఉరుస్ S మాదిరిగానే ఉంటుంది, కానీ కంపెనీ దీనికి కొన్ని నవీకరణలు ఇచ్చింది. ఉరుస్ SE యొక్క బానెట్ నవీకరించబడింది, ఇది ఎయిర్ స్కూప్‌లు మరియు హెడ్‌లైట్‌లలో విభిన్న డిజైన్ DRLలను పొందుతుంది. Y-సిగ్నేచర్‌కు బదులుగా మృదువైన C-ఆకారంలో అవుట్ లైన్ ఉంటుంది. దీని గ్రిల్ మరియు ఫ్రంట్ బంపర్ కూడా నవీకరించబడ్డాయి.

సైడ్ ప్రొఫైల్ విషయానికి వస్తే, ఉరుస్ SE కొత్త ఆల్-బ్లాక్ అల్లాయ్ వీల్స్‌ను పొందుతుంది. 21-అంగుళాల నుండి 23-అంగుళాల వరకు బహుళ వీల్ ఎంపికలు ఉన్నాయి. వెనుక భాగంలో డిజైన్‌లో కూడా కొన్ని మార్పులు చేశారు. ఇందులో కొత్త బూట్ స్లిప్ మరియు కొత్త బంపర్ మరియు డిఫ్యూజర్ ఉన్నాయి. లంబోర్ఘిని ప్రకారం, ఈ కొత్త డిజైన్ నవీకరణలు చాలావరకు రెవ్యూల్టో నుండి ప్రేరణ పొందాయి.

కొత్త వెనుక భాగం ఉరుస్ S కంటే హై-స్పీడ్ డౌన్‌ఫోర్స్‌ను 35 శాతం పెంచుతుందని చెప్పబడింది.

క్యాబిన్ & ఫీచర్లు

ఉరుస్ SE యొక్క క్యాబిన్ కూడా రెవ్యూయెల్టో నుండి ప్రేరణ పొందింది, అయినప్పటికీ దాని డాష్‌బోర్డ్ నవీకరించబడింది. ఆరెంజ్ స్టైల్ ఎలిమెంట్స్ ను డాష్‌బోర్డ్, డోర్, సెంటర్ కన్సోల్‌లో అందించారు. మొత్తం క్యాబన్ డిజైన్ ఒకేలా ఉంటుంది, కానీ నవీకరించిన డాష్‌బోర్డ్ మరియు పెద్ద 12.3-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ లభిస్తుంది. దీని క్యాబిన్ అనేక కలర్ ఎంపికలలో లభిస్తుంది మరియు వినియోగదారుల కోసం అనేక కస్టమైజేషన్ ఎంపికలను కూడా ఇందులో ఉంచారు.

ఇది కూడా చదవండి: BYD సీల్ ప్రీమియం రేంజ్ vs హ్యుందాయ్ అయోనిక్ 5: స్పెసిఫికేషన్లు

కొత్త 12.3 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌తో పాటు, ఉరుస్ SEలో 12.3-అంగుళాల డిజిటల్ డ్రైవర్ డిస్ప్లే, మల్టీ-జోన్ క్లైమేట్ కంట్రోల్, పవర్డ్ సీట్లు, వెంటిలేటెడ్ సీట్లు మరియు పనోరమిక్ సన్రూఫ్ వంటి ఫీచర్లు ఉంటాయి. ప్రయాణీకుల భద్రత కోసం ట్రాక్షన్ అండ్ స్టెబిలిటీ కంట్రోల్ సిస్టమ్, మల్టిపుల్ ఎయిర్ బ్యాగులు, రేర్ వ్యూ కెమెరా, డ్రైవర్ అసిస్టెన్స్ వంటి భద్రతా ఫీచర్లను ఇందులో అందించవచ్చు.

ఆశించిన ధర మరియు విడుదల

లంబోర్ఘిని ఉరుస్ SE రాబోయే కొన్ని నెలల్లో అంతర్జాతీయ మార్కెట్లో విడుదల కానుంది మరియు ఒక సంవత్సరంలో భారతదేశంలో విడుదలయ్యే అవకాశం ఉంది. ఉరుస్ SE ధర భారతదేశంలో రూ.4.5 కోట్లు (ఎక్స్-షోరూమ్) ఉండే అవకాశం ఉంది.

మరింత చదవండి: లంబోర్ఘిని ఉరుస్ ఆటోమేటిక్