టయోటా ఇనోవా క్రిస్టా 2016-2020

ముందు చెప్పుకున్న విధంగా క్రిస్టా దాని పాత ఇన్నోవా నుండి పూర్తిగా మారింది. దీనికి ఒక అద్భుతమైన ప్రీమియం లుక్ ని అందించడానికి ప్రతీది తిరిగి తయారుచేయబడినది. దీని డిజైన్ మరింత కొత్తగా మరింత అందంగా ఉంది. డిజైన్ పరంగా చూస్తే పాత వెర్షన్ చాలా ఫేస్లిఫ్ట్స్ వచ్చినా ఎక్కువ కాలం నిలదొక్కుకుంది. టొయోటా కి ఈ అప్‌డేటెడ్  వెర్షన్ ని తీసుకొని రావడానికి ఇంత కంటే మంచి సమయం లేదు అని చెప్పాలి.  

దీని యొక్క ముందరి భాగం ప్రముఖమైన హెక్సాగొనల్ గ్రిల్ తో అమర్చబడి ఉంటుంది.ఈ గ్రిల్ రెండు భారీ క్రోం స్లాట్ లను కలిగి ఉండి హెడ్‌ల్యాంప్స్ తో అమర్చబడి ఉంటాయి. దీని యొక్క ముందరి భాగం అంతా కూడా పెద్ద బంపర్ తో అమర్చబడి ఉంటుంది. దీనిలో ప్రత్యేఖంగా స్మోకెడ్ అవుట్ హెడ్ల్యాంప్ మరియు LED పైలెట్ ల్యాంప్ అమర్చబడిన విధానం చాలా అద్భుతంగా ఉంటుంది. దీనిలో గ్రిల్ యొక్క క్రింద భాగం గ్లాసీ బ్లాక్ తో ఉండి ఫ్రంట్ లుక్ ని మరింత మెరుగుపరుస్తుంది. 

ఈ కారుని ప్రక్కభాగం నుండి చూస్తే పెద్ద వాహనాన్ని  తలపించే   విధంగా ఉంటుంది. ఈ ప్రక్క భాగంలో పెద్ద 17 ఇంచ్ వీల్స్ గురించి కాకుండా పెద్దగా మాట్లాడుకోడానికి ఇంకేమీ లేదు. టొయోటా ఇటువంటి విషయాలలో చాలా చక్కగా వ్యవహరిస్తుంది. డోర్ హ్యాండిల్ మీద చిన్న క్రోం ఆనవాళ్ళు మరియు బయట భాగంలో రేర్ వ్యూ మిర్రర్ ఈ కారు కి మరింత అందాన్ని చేకూరుస్తున్నాయి. 

వెనుక భాగంలో, పెద్ద గ్లాస్ హౌస్ ఉండి ఎక్కువ భాగం స్థలాన్ని ఆక్రమిస్తుంది.

అలానే వెనుక భాగంలో స్పాయిలర్ మరియు షార్క్ ఫిన్ ఏంటీనా ఈ కారు యొక్క వెనుక భాగానికే మరింత అందాన్ని చేకూరుస్తున్నాయి. ఈ క్రిస్టా దాని మునుపటి వెర్షన్ కంటే మరింత అద్భుతంగా కనిపిస్తుంది. దీని యొక్క డిజైన్ అంత మరీ టాప్ లో లేకపోయినా కూడా ఖచ్చితంగా జనాలకు నచ్చుతుంది. 

మీరు కారు యొక్క బయట భాగాలే ప్రత్యేఖంగా ఉన్నాయి అనుకుంటున్నారా? లోపలికి వెళ్ళి ఇంటీరియర్స్ ఎలా ఉన్నాయో చూడండి. ఇన్నోవా సామాన్యంగా ఉండే క్యాబిన్ ని బిజినెస్ కి అనుగుణంగా అద్భుతంగా  మార్చుకుంది. ఇంటీరియర్స్ అన్నీ కూడా చాలా అద్భుతంగా నీట్ గా కనిపిస్తాయి. దీని యొక్క డాష్బోర్డ్ క్రింద భాగం చాలా అద్భుతంగా తీర్చిదిద్దబడినది. 

పాత ఇన్నోవా మాదిరీగానే క్యాబిన్ లోపలకి అడుగుపెడితే ఎవరికైనా సరే దృష్టి అంతా డాష్బోర్డ్ వైపు మళ్ళుతుంది. దీని డాష్బోర్డ్ అంతా డ్రైవర్ సీటు కి పక్కగా కొన్ని మలుపులు తిరుగుతూ అద్భుతంగా రూపొందించబడినది.   దీని యొక్క సెంట్రల్ కన్సోల్ అంతా కూడా టచ్‌స్క్రీన్ ఆడియో యూనిట్ తో ఆక్రమించబడినది. అలానే దీనిలో రివర్స్ పార్కింగ్ కెమేరా మరియు నావిగేషన్ కూడా చూసుకోవచ్చు. అంతేకాకుండా దీనిలో క్యుబీ హోల్స్ చాలా పెద్దవిగా స్టొరేజ్ కి అనుగుణంగా రూపొందించబడ్డాయి.

దీని స్టీరింగ్ వీల్ లెథర్ తో చుట్టబడి పట్టుకోడానికి సౌకర్యవంతంగా ఉంటుంది. ఈ స్టీరింగ్ వీల్ మీద ఆడియో,కాల్స్ మరియు MID  బట్టన్స్ ఉంటాయి. ఇన్స్ట్రుమెంటల్ క్లస్టర్ గురించి మాట్లాడుకుంటే టాకోమీటర్ మరియు స్పీడోమీటర్ లో అమర్చబడి ఉంటుంది. అలనే వీటి మధ్యలో MID ఉంటుంది. 

దీనిలో ముందరి సీట్లు కుషన్ తో తయారుచేయబడి కూర్చోడానికి చాలా సౌకర్యవంతంగా ఉంటాయి. దీని యొక్క డ్రైవర్ సీటు హైటు ఎలెక్ట్రికల్ గా అడ్జస్ట్ చేసుకోవచ్చు.  వెనుక సీట్లు గురించి మాట్లాడుకుంటే, టొయోటొ దూరపు ప్రయాణాలను మనసులో ఉంచుకొని ఈ సీట్లు ని రూపొందించడం జరిగింది. దీని సీట్లు మంచి కుషన్ తో రూపొందించబడి పెద్ద ఫ్యామిలీస్ కి బాగా సౌకర్యవంతంగా ఉంటాయి. 

జపనీస్ కారు తయారీదారులు ఈ వెనుక సీట్లు చాలా అద్భుతంగా రూపొందించారు. ఇవి ఆర్మ్రెస్ట్ మరియు ఆటోమెటిక్ క్లైమేట్ కంట్రోల్ తో కూర్చొనేవారికి సౌకర్యాన్ని అందిస్తాయి. అలానే ముందరి సీట్లుకి ఫోల్డబుల్ ట్రే అమర్చబడి ఉండి వెనుక కూర్చొనే వారికి ల్యాప్‌టాప్ పెట్టుకొని పని చేసుకోడానికి చాలా సదుపాయంగా ఉంటుంది. 

దీనిలో మూడవ వరుస సీట్లు గురించి మాట్లాడుకుంటే ఇవి పిల్లలకోసం ప్రత్యేఖంగా రూపొందించబడినవి అని చెప్పాలి. ఈ కారు చాలా విశాలమైనది గా దూరపు ప్రయాణాలకి అనుగుణంగా రూపొందించబడినది. ఇన్నోవా క్రిస్టా లోపల కూర్చుంటే ఒక ఫ్రెష్ ఎయిర్ లో కూర్చునట్టుగా భావన కలుగుతుంది. దీనికి కారణం దీని యొక్క ప్రత్యేఖమైన ఇంటీరియర్స్.  

భద్రత విషయంలో టొయోటా ముందు ఉంటుంది. అందరి ప్రయాణికులకి 3 ఎయిర్‌బ్యాగ్స్ తో పాటూ 3 పాయింట్ సీటు బెల్ట్స్,ఎలక్ట్రానిక్ ఫోర్స్ డిస్ట్రిబ్యూషన్(EBD) తో పాటూ యాంటీ లాక్ బ్రేక్స్(ABS) మరియు బ్రేక్ అస్సిస్ట్ (BA)అందించబడతాయి. టాప్ వేరియంట్స్ లో అయితే 7 ఎయిర్‌బ్యాగ్స్,వెహికెల్ స్టెబిలిటీ కంట్రోల్ (VSC)మరియు హిల్ స్టార్ట్ సదుపాయం కూడా అందించబడుతుంది.

ఇనోవా క్రిస్టా రెండు డీజిల్ ఇంజిన్ ఆప్షన్‌లతో అందుబాటులో ఉంది. 2.4 లీటర్ మిల్ కోడ్‌నేం 2GD-FTV 5 స్పీడ్ మాన్యూల్ గేర్‌బాక్స్ తో అందించబడుతుంది మరియు 2.8 లీటర్ పవర్ ప్లాంట్ 6 స్పీడ్ ఆటోమెటిక్ గేర్‌బాక్స్ తో అందించబడుతుంది.

ఈ 2.4 2GD-FTV 

ఇంజిన్ 150Ps పవర్ మరియు 343Nm టార్క్ ని అందిస్తుంది. 1400rpm కి చాలా అద్భుతమైన టార్క్ ని అందిస్తుంది. ఈ ఇంజిన్ సిటీ లో హైవే ల మీద వెళ్ళడానికి సౌకర్యంగా ఉంటుంది.1500rpm ఉండి ఉంటే మరింత బాగుండేది. దీనిలో ఉన్న రెండు లోపాలు  అధిక శబ్ధం, గరుకుతత్వం మరియు NVH లెవెల్స్.

2.8 1GD-FTV

క్రిస్టా ఈ పవర్‌ఫుల్ ఇంజిన్ 174PS పవర్ మరియు 360Nm టార్క్ ని అందిస్తుంది మరియు 6 స్పీడ్ ఆటోబాక్స్ తో అనుసంధానించబడి ఉంటుంది. ఎక్కువ ట్రాఫిక్ లో కూడా ఈ కారు అద్భుతంగా నడుస్తుంది. 

క్ఈ కారు పట్టణ ప్రాంతాలలో రోడ్దులకి అనుగుణంగా ఉంటుంది మరియు అధిక ట్రాఫిక్ లో 100 స్పీడ్ దాటి ప్రయాణించగలదు. 2.4 ఇంజిన్ లానే ఇది కూడా కొంచెం పెద్ద శబ్ధం ని ఇస్తుంది, కానీ ఒకసారి ట్రాఫిక్ లో స్పీడ్ గా కారు నడిపితే ఆ శబ్ధం తెలియదు. 

ఈ రెండు ఇంజిన్ లు కూడా ‘ECO’ మరియు పవర్ ‘POWER’ మోడ్ లను కలిగి ఉంటాయి. 

రైడ్ మరియు హ్యాండిలింగ్

ప్రాంతాలలో ఉన్న స్పీడు కి నడిపే వారికి ఈ స్టీరింగ్ బాగా బరువు గా అనిపిస్తుంది. దీనితో U- టర్న్ తీసుకోడానికి కొంచెం కష్టం అనిపిస్తుంది. కానీ హైవే మీద వెళ్ళుతున్నపుడు మాత్రం చాలా మంచి అనుభూతి కలుగుతుంది. నడిపే విధానంలో చూసుకుంటే పాత ఇన్నోవా బాగుంటుంది. ఈ కారులో ఒక్కరే ప్రయాణం చేస్తే అంత మంచి అనుభూతి కలగదు, కానీ కారు నిండా మనుషులు ఉంటే మాత్రం హెలికాఫ్టర్ లో వెళ్ళిన అనుభూతి కలుగుతుంది.

ఈ ఇన్నోవా క్రిస్టా పాతా దాని మాదిరీలానే నిర్మాణం చేయబడి ఉంది. దీనిలో XUV500 కి ఉన్న మాదిరీలగా మొనోక్యూ సెటప్ లేదు. ఈ కారు కొంచెం రోడ్డు మూలల నుండి వెళితే మాత్రం అసౌకర్యంగా అనిపిస్తుంది, కానీ గొప్ప లక్షణాలు ఉన్నపుడు దీని గురించి పెద్దగా చెప్పుకోవలసిన అవసరం లేదు.

ఇన్నోవా G,GX,VX మరియు ZX నాలుగు వేరియంట్లలో అందుబాటులో ఉంది. టాప్ వేరియంట్ తప్ప మిగతా అన్ని వేరియంట్లు 7 లేదా 8 సీటర్ లే అవుట్ తో అందించబడుతుంది. టాప్ వేరియంట్ ప్రొజెక్టర్ హెడ్‌ల్యాంప్స్,ఆటోమెటిక్ క్లైమేట్ కంట్రోల్,ఆంబియంట్ లైటింగ్,క్రూయిజ్ కంట్రోల్ మరియు 7 ఎయిర్‌బ్యాగ్స్ తో అందించబడుతుంది.  

ఇప్పుడు ఉన్న కారులో పెట్టే డబ్బుకి VX ట్రిం న్యాయం  చేస్తుంది. ఒక MPV కి ఉన్న అన్ని లక్షణాలు దీనిలో పుష్కలంగా ఉన్నాయి.