2024లో విడుదల కానున్న Skoda Enyaq EV రహస్య చిత్రాలు

ఎన్యాక్ iV ఎలక్ట్రిక్ క్రాస్ؚఓవర్ؚను భారతదేశంలోకి ప్రత్యక్షంగా దిగుమతి చేయనున్న స్కోడా, తద్వారా దీని ధర సుమారు రూ.60 లక్షలు (ఎక్స్-షోరూమ్) ఉండవచ్చు

ఇప్పటివరకు స్కోడా తన విస్తృత శ్రేణి గ్లోబల్ మోడల్‌లను భారతదేశానికి ప్రవేశపెట్టినప్పటికి, అభివృద్ధి చెందుతున్న EV విభాగంలోకి ఇంకా అడుగు పెట్టలేదు. అయితే 2024లో ఈ పరిస్థితి మారవచ్చు, ఎందుకంటే స్కోడా ఎన్యాక్ iVను ఈ కారు తయారీదారు CBUగా (పూర్తిగా నిర్మించిన యూనిట్) విక్రయించవచ్చు. అంతేకాకుండా, స్కోడా EV ఎటువంటి ముసుగు లేకుండా మళ్ళీ రోడ్లపై పరీక్షిస్తూ కనిపించింది!

రహస్య చిత్రాలలో గమనించినవి ఏమిటి?

కెమెరాకు చిక్కిన మోడల్ తెలుపు రంగు ఎక్స్ؚటీరియర్ పెయింట్ ఎంపికతో, ఎటువంటి ముసుగు లేకుండా కనిపించింది. పూర్తి-ఎలక్ట్రిక్ స్వభావం కోసం ప్రత్యేకంగా రూపొందించిన ఏరో-స్పెసిఫిక్ అలాయ్ వీల్స్ؚను కూడా కలిగి ఉంది. గమనించిన ఇతర ముఖ్యమైన డిజైన్ వివరాలలో కూపే-వంటి రూఫ్ؚలైన్ మరియు నాజూకైన LED టెయిల్ؚలైట్ؚలు ఉన్నాయి.

• మీ పెండింగ్ చలాన్ؚలను తనిఖీ చేయండి

• సెకండ్ؚహ్యాండ్ కార్ వాల్యుయేషన్

ఆశించదగిన క్యాబిన్ వివరాలు

ఎన్యాక్ ఇంటీరియర్ కనిపించనప్పటికీ, ప్రపంచవ్యాప్తంగా విక్రయించే మోడల్ؚలో మినిమలిస్టిక్ లేఅవుట్‌తో ఎంచుకున్న వేరియెంట్ؚను బట్టి అనేక థీమ్ؚలతో వస్తుంది. ఈ ఎలక్ట్రిక్ క్రాస్ؚఓవర్ؚలో అందించే ఫీచర్‌లలో హెడ్స్-అప్ డిస్ప్లే, డిజిటల్ డ్రైవర్ డిస్ప్లే మరియు 13-అంగుళాల ఇన్ఫోటైన్మెంట్ యూనిట్ ఉన్నాయి.

భద్రత సాంకేతికత విషయానికి వస్తే, ఎన్యాక్ తొమ్మిది ఎయిర్ؚబ్యాగ్ؚలు, 360-డిగ్రీల కెమెరా మరియు కొన్ని అడ్వాన్సెడ్ డ్రైవర్ అసిస్టెన్స్ సిస్టమ్ؚలతో (ADAS) వస్తుందని అంచనా.

ఇది కూడా చదవండి: గత రెండు సంవత్సరాలలో భారతదేశంలో 1 లక్ష కంటే ఎక్కువ కార్లను విక్రయించిన స్కోడా

అందిస్తున్న ఎలక్ట్రిక్ పవర్ؚట్రెయిన్ؚలు

ఇండియా-స్పెక్ ఎన్యాక్ؚలో అందించే బ్యాటరీؚ ప్యాక్ మరియు ఎలక్ట్రిక్ మోటార్ గురించి ఖచ్చితమైన వివరాలను ఇంకా వెల్లడించలేదు. అంతర్జాతీయంగా, ఎన్యాక్ iV మూడు బ్యాటరీ ప్యాక్ ఎంపికలతో వస్తుంది: అవి 52 kWh, 58 kWh, మరియు 77 kWh. చిన్నవైన 52 kWh మరియు 58 kWh బ్యాటరీ ప్యాక్ؚలు రేర్-వీల్ డ్రైవ్ ట్రెయిన్ؚతో మాత్రమే జోడించబడాయి. భారీ 77 kWh బ్యాటరీ ప్యాక్ క్లెయిమ్ చేసిన పరిధి 510 కిమీ వరకు ఉంటుంది.

• డోర్ؚస్టెప్ కార్ సర్వీస్

• CarDekho ద్వారా కార్ లోన్

భారతదేశంలో విడుదల మరియు ధర

స్కోడా ఎన్యాక్ iV సెప్టెంబర్ 2024లో భారతదేశంలో విడుదల అవుతుందని అంచనా. దీని ధర సుమారు రూ.60 లక్షలు (ఎక్స్-షోరూమ్) ఉండవచ్చు. స్కోడా EV, హ్యుందాయ్ అయోనిక్ 5, కియా EV6 మరియు BMWi4లతో పోటీ పడుతుంది.