హ్యుందాయ్ గ్రాండ్ ఐ10

హ్యుందాయి i10 పాత వెర్షన్ లుక్స్ పరంగా అంత అద్భుతంగా ఏమీ ఉండేది కాదు. ఈ కొత్త ఫేస్‌లిఫ్ట్ తో గ్రాండ్ i10 కంపెనీ యొక్క కొత్త డిజైన్ ఫిలాసఫీకి కట్టుబడి ఉంది అని చెప్పాలి.

కారు యొక్క ముందరభాగం లో పెద్ద మార్పులు ఏమిటంటే, కాస్కేడింగ్ గ్రిల్ డిజైన్, నవీకరించిన అప్పర్ గ్రిల్ మరియు చుట్టూ కొత్త ఫాగ్ ల్యాంప్స్ తో తిరిగి డిజైన్ చేయబడిన బంపర్ మరియు అన్ని కొత్త LED DRLs. కారు ప్రక్క భాగం చూస్తే, తిరిగి డిజైన్ చేయబడిన 14-ఇంచ్ అలాయి వీల్స్ తప్ప మాట్లాడుకోడానికి పెద్దగా ఏమీ లేదు. కారు వెనక భాగం చూస్తే,సర్క్యులర్ రెఫ్లెక్టర్ తో పెద్ద బ్లాక్ ఇన్సెర్ట్స్ కలిగిన పెద్ద బంపర్ ఉన్నాయి.

కొత్త బంపర్ ని చూస్తుంటే ముందు ఫేస్లిఫ్ట్ మోడలే బాగుంది, దానిని తిరిగి డిజైన్ చేయడం అనవసరం అనే భావన కలిగిస్తుంది. 

క్యాబిన్ లోపలికి అడుగుపెడితే, ఒక అద్భుతమైన అనుభూతి కలుగుతుంది. దీని సీటు కవర్స్,డాష్బోర్డ్ మీద ప్లాస్టిక్ ట్రిం,బటన్స్ మరియు టచ్‌స్క్రీన్ ఆపరేషన్ ప్రతీది కూడా మంచి అనుభూతిని కలిగిస్తాయి. హ్యుందాయి సంస్థ కారు లోపల డిజైన్ ని ఏమీ మార్చలేదు. మీరు అవే డ్యుయల్ టోన్ థీం,డాష్బోర్డ్ మీద నాలుగు పెద్ద సర్క్యులర్ ఏ.సి వెంట్స్,డీప్ సెట్ ఇన్స్టృమెంటల్ క్లస్టర్,పెద్ద మల్టీ ఫంక్షన్ బటన్స్ తో త్రీ స్పోక్ స్టీరింగ్ వీల్ మరియు హై మౌంటెడ్ గేర్ షిఫ్ట్ లెవెర్ వంటి లక్షణాలను కలిగి ఉన్నారు. సెంటర్ కన్సోల్ కూడా అదే విధంగా ఉంది,కానీ పెద్ద 7-ఇంచ్ టచ్‌స్క్రీన్ డిస్ప్లేయ్ మరియు ఫుల్లీ ఆటోమెటిక్ క్లైమేట్ కంట్రోల్ కన్సోల్ వంటి ఈ రెండు లక్షణాలను అధనంగా పొందుతుంది.

అయితే దీని స్క్రీన్ అంతా కుడా బాగా అమర్చబడినది, దీని చుట్టూ ఉన్న బటన్స్ అన్నీ కూడా కొంచెం అంతా కూడా గాబరాగా చేసినట్టు అనిపిస్తుంది మరియు ముందు ఉన్న నాన్-టచ్ ఇంఫోటైన్మెంట్ సిస్టం యొక్క బటన్స్ లా అనిపించడం లేదు. దీనిలో క్లైమేట్ కంట్రోల్ కన్సోల్ ఒక కొత్త ఎడిషన్ మరియు కారు దాని పోటీదారులతో పోటీ పడేందుకు దోహదపడుతుంది. 

దీని ముందర సీట్లు చాలా సౌకర్యవంతంగా ఉంటాయి. దీని కుషనింగ్ మరీ గట్టిగా ఉండదు, అలా అని మరీ మెత్తగా కూడా ఉండదు.  నిజం చెప్పాలంటే,దీని సీట్లు కూర్చొనేవారికి మంచి అనుభూతిని కలిగించే విధంగా తీర్చిదిద్దబడ్డాయి. దీనిలో డ్రైవర్ సీటు కి హైటు అడ్జస్టబుల్ ఆప్షన్ కూడా అందించబడుతుంది. దీనిలో ఉండే ఒకేఒక్క సమస్య ఇంటిగ్రేటెడ్ హెడ్‌రెస్ట్ లు, ఈ ఒక్కటి తప్ప మిగిలిన ఇంటీరియర్స్ అంతా కూడా ప్రీమియం లుక్ ని కలిగి ఉంటాయి మరియు పొడవు వారికి అయినా పొట్టి వారికినా సదుపాయంగానే ఉంటాయి.    

ఈ కారులో వెనుక కూర్చొనే వ్యక్తులు ముగ్గురు కూర్చొనేందుకు సరిపడా క్యాబిన్ ప్లేస్ మరియు మధ్యలో కూర్చున్న వ్యక్తికి ఏ.సి వెంట్ ఉన్నా కూడా ఈ గ్రాండ్ i10 ఇద్దరు ప్యాసింజర్లకు మాత్రమే బాగుంటుందని  సులభంగా కనిపెడతారని చెప్పాలి. దీనికి కారణం మిగతా ఇద్దరు ప్యాసింజర్లకు తప్ప మధ్యలో కూర్చున్న వ్యక్తికి హెడ్‌రెస్ట్ మరియు లాప్ బెల్ట్ ఉండకపోవడం, ఇది  అంత సేఫ్ కాదు. అయితే ముందర సీట్లలో లెగ్‌రూం మరియు నీ(మోకాలు) రూం అంత దీనికి ఉండాల్సినంత  కాకపోయినా సరిపడా ఉంది. పొడవైన వారికి కూడా సరిపడా హెడ్‌రూం అందించబడుతుంది. దీనిలో వెనుక బెంచ్ ఫోల్డ్ చేసుకోవచ్చు, కాని స్పిల్ట్ ఫోల్డింగ్ అవ్వదు, దీనివలన కొచెం అసౌకర్యంగా అనిపిస్తుంది. దీనిలో లగెజ్ పెట్టుకొనే స్థలం 256-లీటర్ ఉంటుంది మరియు ముందు దానితో పోలిస్తే లగేజ్ ప్లేస్ ఏమీ మారలేదు. ఈ లగేజ్ ప్లేస్ ఇగ్నీస్ కంటే 5 లీటర్స్ ఎక్కువ ఉంది మరియు ఈ విభాగంలోనే పెద్దది. 

గ్రాండ్ i10 ఇప్పుడు సాధారణమైనటువంటి LED DRLs ని కలిగి ఉంది. ఇవి ఫ్రంట్ బంపర్ కింద ఫాగ్‌ల్యాంప్స్ తో పాటూ అందించబడుతుంది. ఇవి చాలా వెలుగువంతంగా ఉండి వాటి పని చక్కగా చేస్తున్నాయి. DRLs యొక్క ఒక ఆసక్తికరమైన విషయం ఏమిటంటే, కారు పార్కింగ్ లో ఉన్నపుడు, కారు ఆన్ లో ఉన్నా కూడా ఇవి వెలగకుండా ఆగిపోతాయి. దీనివలన వేరే వాహనదారులకు ఉపయోగం అని చెప్పవచ్చు. 

లోపల భాగాలలో పెద్ద మార్పు ఏమిటంటే,కొత్త 7.o ఇంచ్ టచ్‌స్క్రీన్ ఇంఫోటైన్మెంట్ సిష్టం. ఇది మిర్రర్ లింక్ ద్వారా మీ స్మార్ట్‌ఫోన్ కి కనెక్ట్ చేసుకోవచ్చు మరియు ఆండ్రాయిడ్ ఆటో మరియు ఆపిల్ కార్ప్లే కంపాటిబిలిటీ ని అధనపు సౌకర్యంగా కలిగి ఉంది.ఈ గ్రాండ్ i10 గైడెడ్ డిస్ప్లే తో రేర్ పార్కింగ్ కెమేరా ని కొత్త ఇంఫోటైన్మెంట్ స్క్రీన్ మీద కలిగి ఉంది. 

ఈ హ్యుందాయి గ్రాండ్ i10 స్మార్ట్‌ఫోన్ కనెక్టివిటీ ని సులభంగా కలిగి ఉన్న మొదటి కారు అని చెప్పవచ్చు. ఇది అతి త్వరగా స్పందించే టచ్‌స్క్రీన్ తో కూడా ఆశ్చర్యానికి గురి చేస్తుంది. ఈ ఇంఫోటైన్మెంట్ సిస్టం స్టీరింగ్ మీద ఉన్న కంట్రోల్స్ కి కుడా బాగా స్పందిస్తుంది. కొత్త గ్రాండ్ i10  ఇంఫోటైన్మెంట్ సిస్టం కి వాయిస్ కమాండ్ కూడా కలిగి ఉంది. ఈ సదుపాయాన్ని స్మార్ట్‌ఫోన్ తో సులభంగా ఉపయోగించుకోవచ్చు. 

హ్యుందాయి గ్రాండ్ i10 1.2 లీటర్ 4-సిలెండర్ నేచురల్లీ  ఆస్పిరేటెడ్ మోటార్ 5 స్పీడ్ మాన్యువల్ ట్రాన్స్మిషన్ తో లేదా 4 స్పీడ్ ఆటోమెటిక్ ట్రాన్స్మిషన్ తో అందించబడుతుంది.  మేము టెస్ట్ చేసిన కారు కొత్త 1.2 లీటర్,3-సిలెండర్ టర్బోచార్జెడ్ డీజిల్ మోటార్ మరియు ఇది 5-స్పీడ్ మాన్యువల్ ట్రాన్స్మిషన్ తో అందించబడుతుంది. ఇంజిన్ ఆగిపోయినపుడు మాత్రం కొంచెం క్యాబిన్ ఊగినట్టుగా అనిపిస్తుంది. 

పెట్రోల్:

దీని 1.2 లీటర్ యూనిట్ ఈ విభాగంలో చాలా మంచి ఇంజన్. స్థిరంగా ఉన్నా లేదా కదులుతూ ఉన్న కూడా ఇంజన్ శబ్ధం లేకుండా ఉండి హాయిగా అనిపిస్తుంది. అయితే ఇది టాప్ రివ్ రేంజ్ లో ఉన్నప్పుడు మాత్రమే. తక్కువ స్పీడ్ లోకి వెళితే ఇది మారుతీ సెలేరియో అంత స్ట్రాంగ్ కాదు. దీని మిడ్ వేరియంట్  అసలైన పనితత్వం చూపిస్తూ మంచి టార్క్ ని అందిస్తుంది. 

హైవే దారులలో ఈ ఇంజిన్ 120kmph ఇస్తుంది. అది దాటితే మటుకు ఇంజన్ కొంచెం కష్టం అవుతుందని ప్రత్యేకించి చెప్పాల్సిన అవసరం లేదు. ఈ రేంజ్ దాటితే మాత్రం కొంచెం శబ్ధం వస్తూ ఇబ్బందిగా ఉంటుంది.    

ఈ ఇంజన్ 5 స్పీడ్ మాన్యువల్ గేర్బాక్స్ తో కానీ లేదా 4 స్పీడ్ ఆటోమెటిక్ తో కానీ అందించబడుతుంది. మేము అయితే మాత్రం మాన్యువల్ ని ఎన్నుకుంటాము, దీని క్లచ్ చాలా లైట్ గా ఉంటుంది మరియు గేర్ లు కూడా బాగా వేయవచ్చు.  ఆటోమెటిక్ అయితే గేర్ లు వేయాల్సిన అవసరం లేదు. ఎటువంటి వారు అయినా సులభంగా నడపవచ్చు మరియు ట్రాఫిక్ లో మరింత సులభంగా నడపవచ్చు. పోల్చి చూసుకుంటే, ఆటోమెటిక్ అయితే కొంచెం డబ్బులు ఎక్కువ పడతాయి. మీరు ఏది తీసుకుంటారు అనేది మీ ఇష్టం.     

డీజిల్

దీని యొక్క డీజల్ మోటార్ నవీకరించ పాత కారు యొక్క 1.1 లీటర్ మోటార్. దీని యొక్క డిస్ప్లేస్మెంట్ ని పెంచడం వలన 71Ps నుండి 75ps వరకూ అద్భుతమైన పవర్ ని అందిస్తుంది మరియు 160Nm నుండి 190Nm వరకూ అద్భుతమైన టార్క్ ని అందిస్తుంది. దీనివలన ఈ కారుని పట్టణ ప్రాంతాలలో సులభంగా నడపవచ్చు. కొత్త 1.2 లీటర్ 'U2 CRDi’ మోటార్ అతి తక్కువ 1750Rpm వద్ద 190Nm టార్క్ ని అందిస్తుంది. హైవే లో వెళ్ళినపుడు 4000rpm తరువాత అయితే పవర్  తగ్గిపోతుంది మరియు 110 నుండి 120Kmpl వద్ద దీని ప్రోగ్రెస్ తగ్గిపోతుంది. గ్రాండ్ i10 డీజిల్ 17.32 సెకెండ్స్ లో 0 నుండి 100kmph స్పీడ్ ని అందుకుంటుంది,ఇది ఒక మంచి పరిణామం.

5 స్పీడ్ మాన్యువల్ ట్రాన్స్మిషన్ చాలా బాగుంటుంది. తక్షణమే కారు తీసినా కూడా సౌకర్యంగా ఉంటుంది. దీని పుల్ టైప్ రివర్స్ గేర్ లాక్ స్మూత్ గా ఉంటుంది మరియు మంచి అనుభూతిని అందిస్తుంది. 

గ్రాండ్ i10 యొక్క కొత్త డీజిల్ మోటార్ చాలా సమర్ధవంతంగా ఉంటుంది. పట్టణ ప్రాంతాలలో 19.23kmpl మరియు హైవే లో 22.19kmpl  ఇస్తుందని అని మా పరీక్షలలో నిర్ధారించబడింది.   

రైడ్ మరియు హ్యాండిలింగ్

ఈ హ్యుందాయి గ్రాండ్ i10 యొక్క సస్పెన్షన్ ఎక్కువగా పట్టణ ప్రాంతాలలో తీసేవిధంగా తయారుచేయబడినది. ఇది మరీ హార్డ్ గా ఉండదు,అలా అని మరీ సాఫ్ట్ గా కాకుండా కరెక్ట్ గా ఉంటుంది. ఈ సస్పెన్షన్ ఎప్పుడు కూడా శబ్ధం లేకుండా ఉండే విధంగానే పనిచేస్తుంది, ఏదైనా రోడ్డు మీద పెద్ద బంపర్ తగిలితే తప్ప శబ్ధం రాదు. ఈ ఫెల్క్‌సిబుల్ నెస్ మరియు గట్టిదనం రెండిటి కలయికతో దీనిలో ప్రయాణం ఎప్పుడు కూడా అసౌకర్యంగా అనిపించదు. అలానే దీని ఇంజన్ ఇచ్చే తక్కువ శబ్ధం మరియు వైబ్రేషన్స్ వలన గ్రాండ్ i10 క్యాబిన్ లో ఉండేవారికి మంచి అనుభూతి కలుగుతుంది. 

దీని యొక్క స్టీరింగ్ చాలా తేలికగా ఉండడం వలన కారు ని పట్టణ ప్రాంతాలలో తీయడానికి సౌకర్యంగా ఉంటుంది. హైవే మీద వెళ్తున్నపుడు మాత్రం దీని యొక్క తేలికైన స్టీరింగ్ కారణంగా కొంచెం ఇబ్బందిగా ఉంటుంది, కానీ సస్పెన్షన్ సిష్టం మరియు బ్రేకులు(ABS)బాగానే పనిచేస్తాయి.  

హ్యుందాయి గ్రాండ్ i10 ఈ రేంజ్ లో డ్రైవర్ వైపు ఎయిర్‌బ్యాగ్ ని ప్రామాణికంగా కలిగి ఉంటుంది. మేము టెస్ట్ చేసిన ఆస్తా వేరియంట్ లో డ్యుయల్ ఫ్రంట్ ఎయిర్‌బ్యాగ్స్,ABS,ఇంపాక్ట్ సెన్సింగ్ డోర్ అన్‌లాక్,రేర్ డీఫాగర్ మరియు రేర్ పార్కింగ్ సెన్సార్లు మరియు కెమేరా వంటి భద్రతా లక్షణాలను కలిగి ఉంటుంది. 

హ్యుందాయి గ్రాండ్ i10 ఈ ధరకి ఫోర్డ్ ఫిగో లో ఉన్నటువంటి అన్ని భద్రతా లక్షణాలను కలిగి ఉండదు. ఫిగో లో 6 ఎయిర్‌బ్యాగ్స్,ABS మరియు EBS వంటి లక్షణాలు ఉన్నాయి. భద్రతా పరంగా ఫిగో ఈ కారుని చిత్తు చేసింది.  

హ్యుందాయి గ్రాండ్ i10 1.2 లీటర్ పెట్రోల్ ఇంజన్ మొత్తం 6 వేరియంట్స్ తో అందించబడుతుంది. అయితే,గ్రాండ్ i10 1.2 లీటర్ డీజిల్ మోటార్ 4 వేరియంట్లతో అందించబడుతుంది. 

దీనిలో బేస్ వేరియంట్ అయిన ఎరా(ERA)లో ఫ్రంట్ పవర్ విండోస్,మాన్యువల్ ఎయిర్‌కండిషనింగ్,డ్రైవర్ సైడ్ ఎయిర్‌బ్యాగ్ మరియు గేర్ షిఫ్ట్ ఇండికేటర్ వంటి లక్షణాలు ఉన్నాయి. మాగ్నా వేరియంట్ పైన చెప్పుకున్న లక్షణాలను కలిగి ఉంది మరియు ఫ్రంట్ ఫాగ్ ల్యాంప్స్,కీ లెస్ ఎంట్రీ,ఫుల్ వీల్ కవర్స్ మరియు రేర్ A.C వెంట్స్ కూడా ఉన్నాయి. స్పోర్ట్స్ వేరియంట్ కూడా పైన లక్షణాలన్నిటినీ కలిగి ఉంది మరియు రేర్ పార్కింగ్ సెన్సార్లు,రేర్ డీఫాగర్,కూలెడ్ గ్లోవ్ బాక్స్ మరియు 5.O ఇంచ్ టచ్ స్క్రీన్ ఇంఫోటైన్మెంట్ సిష్టం వంటి లక్షణాలను కలిగి ఉంది. దీనిలో స్పోర్ట్స్(O) వేరియంట్ అధనంగా ఆపిల్ కార్ప్లే మరియు ఆండ్రాయిడ్ ఆటో తో ఉన్నటువంటి 7-O ఇంచ్ ఇంఫొటైన్మెంట్ సిష్టం ని కలిగి ఉంది మరియు LED DRLs మరియు 14 ఇంచ్ అలాయి వీల్స్ ని కలిగి ఉంది. దీనిలో టాప్ వేరియంట్ అయిన ఆస్తా వేరియంట్ ABS,పుష్ బటన్ స్టార్ట్/స్టాప్,ఆటోమెటిక్ క్లైమేట్ కంట్రోల్ మరియు రేర్ స్పాయిలర్ ని కలిగి ఉంది.  

ఈ కారు లో స్పోర్ట్స్(O) మరియు దాని మీద వేరియంట్స్ కి వెళ్ళడం మంచింది. ఎందుకంటే దీనిలో తక్కువ వేరియంట్స్ వాటితో పోల్చి చూస్తే పాతబడి పోయినట్టుగా ఉంటాయి. ఆశ్చర్యకరంగా ఎరా మరియు మాగ్నా వేరియంట్స్ మల్టీమీడియా సిష్టం తో అందించబడడం లేదు. దీనిలో ABS ఆస్తా వేరియంట్ కి మాత్రమే పరిమితమయ్యి ఉంది.