టాటా నెక్సాన్ - కాంపాక్ట్ SUV గురించి మీరు తెలుసుకోవలసిన విషయాలు

నెక్సాన్ ధర చార్టులో బ్రెజ్జా మరియు ఎకోస్పోర్ట్ ధరల కంటే బాగా తక్కువగా ఉంటుందని మేము అంచనా వేస్తున్నాము. ధర, లక్షణాలు మరియు నిర్దేశాలు వంటి ఊహించిన మరియు ధృవీకరించబడిన అన్ని వివరాలను క్రింద చూడండి.  

టాటా నెక్సాన్ మొదటి డ్రైవ్ సమీక్షను ఇక్కడ చదవండి.

నవీకరణ: టాటా నెక్సాన్ రూ. 5.85 లక్షలు వద్ద ప్రారంభించబడుతుంది

టాటా మోటార్స్ నెక్సాన్ కాంపాక్ట్ SUV ని 21 సెప్టెంబర్ 2017 న భారతదేశంలో విడుదల చేయనుంది. ఇది సబ్ -4 మీటర్  SUV ని తయారు చేయడానికి టాటా యొక్క మొట్టమొదటి ప్రయత్నం అని చెప్పవచ్చు మరియు ఇది మారుతి సుజుకి విటారా బ్రెజ్జా, ఫోర్డ్ ఎకోస్పోర్ట్ మరియు మహీంద్రా యొక్క TUV300 మరియు నువోస్పోర్ట్ వంటి తీవ్రమైన ప్రత్యర్థులతో పోటీ పడనుంది.

ఇక్కడ జాబితా చేయబడిన నాలుగు కాంపాక్ట్ SUV లలో, బ్రెజ్జా మరియు ఎకోస్పోర్ట్ కారు కొనుగోలుదారుల గరిష్ట దృష్టిని ఆకర్షించగలిగాయి. టాటా జూలై 20, 2017 న రంజంగావ్ ఫెసిలిటీలో నెక్సాన్ యొక్క అధికారిక ఉత్పత్తిని ప్రారంభించింది మరియు డీలర్షిప్ పంపకాలు కూడా ఇప్పుడు ప్రారంభమయ్యాయి.

నెక్సాన్ తన ప్లాట్‌ఫామ్‌ను టాటా జెస్ట్ మరియు టాటా బోల్ట్‌తో పంచుకున్నప్పటికీ, కాంపాక్ట్ SUV కావడంతో ఇది చూడడానికి కూడా జెస్ట్ మరియు బోల్ట్ పోల్చి చూస్తే బాగా  ఆకర్షణీయంగా ఉంటుంది. టాటా మొట్టమొదట 2014 ఆటో ఎక్స్‌పోలో నెక్సాన్‌ ను తన కాన్సెప్ట్ రూపంలో ప్రదర్శించింది. రెండు సంవత్సరాల తరువాత, టాటా కాంపాక్ట్ SUV యొక్క ప్రొడక్షన్-రెడీ వెర్షన్‌ను 2016 ఆటో ఎక్స్‌పోలో ఆవిష్కరించింది. ఈ వెర్షన్ అనేది కారు తయారీదారులని బాగా ఆకర్షించింది. ఈ సంవత్సరం తరువాత జెనీవా మోటార్ షోలో, స్వదేశీ కార్ల తయారీదారు నెక్సాన్ జెనీవా ఎడిషన్‌ను ప్రదర్శించారు, ఇందులో సౌందర్య నవీకరణలు ఉన్నాయి. టాటా నెక్సాన్ జెనీవా ఎడిషన్‌ను ఇక్కడ చూడండి.

నెక్సాన్ టర్బోచార్జ్డ్ పెట్రోల్ మరియు డీజిల్ ఇంజిన్ల నుండి శక్తిని పొందుతుంది, డీజిల్ ఇంజిన్ టాటా యొక్క రెవొటోర్క్ కుటుంబానికి చెందినది మరియు ఇది 1.5-లీటర్, 4-సిలిండర్ యూనిట్. ఈ ఇంజన్ 1.05-లీటర్, 3-సిలిండర్ డీజిల్ ఇంజిన్ యొక్క 4-సిలిండర్ వెర్షన్ కాదు, ఇది టాటా టైగోర్ మరియు టాటా టియాగోకు శక్తిని ఇచ్చే3-సిలిండర్ డీజిల్ ఇంజన్, కానీ పూర్తిగా కొత్త యూనిట్. పెట్రోల్ ఇంజిన్ 1.2-లీటర్, 3-సిలిండర్ టర్బోచార్జ్డ్ యూనిట్, ఇది టాటా యొక్క రెవోట్రాన్ ఇంజిన్ల కుటుంబానికి చెందినది. రెండు ఇంజన్లు 6-స్పీడ్ మాన్యువల్ ట్రాన్స్‌మిషన్‌తో జత కడతాయి మరియు 110PS గరిష్ట శక్తిని అందిస్తాయి, డీజిల్ నెక్సాన్ కారు బ్రెజ్జా మరియు ఎకోస్పోర్ట్ కంటే శక్తివంతమైనది. నెక్సాన్ 6-స్పీడ్ ఆటోమేటెడ్ మాన్యువల్ ట్రాన్స్మిషన్ యొక్క ఎంపికను కూడా పొందుతుంది. ఎప్పుడు అని తెలుసుకోవడానికి ఇక్కడ క్లిక్ చేయండి.

టాటా నెక్సాన్ XE, XM, XT మరియు XZ + అనే నాలుగు పరికరాల స్థాయిలలో లభిస్తుంది. బేస్ XE వేరియంట్‌ డ్రైవ్ మోడ్‌లు (ఎకో, సిటీ అండ్ స్పోర్ట్), డ్యూయల్ ఫ్రంట్ ఎయిర్‌బ్యాగులు మరియు ABS తో అమర్చబడి ఉంటుంది. డ్రైవ్ మోడ్‌లు డ్రైవ్ సెట్టింగ్ ప్రకారం సామర్థ్యం లేదా పనితీరుపై దృష్టి పెట్టడానికి ఇంజిన్ యొక్క ప్రవర్తన మరియు త్రోటిల్ ప్రతిస్పందనను మారుస్తాయి.  

టైగర్‌తో, టాటా ధరను అదుపులో ఉంచుకుంటూ చాలా పరికరాలను ఉంచగలిగింది. నెక్సాన్‌కు ప్రొజెక్టర్ హెడ్‌ల్యాంప్స్, 8-స్పీకర్ సౌండ్ సిస్టమ్ మరియు క్లైమేట్ కంట్రోల్ వంటి ఫీచర్లు లభిస్తాయి, అయితే డే టైం రన్నింగ్ లైట్లు, స్మార్ట్ కీ, పుష్-బటన్ స్టార్ట్ మరియు 6.5-అంగుళాల హెచ్‌డి కనెక్ట్‌ నెక్స్ట్ టచ్‌స్క్రీన్, ఆండ్రాయిడ్ ఆటో మరియు ఆపిల్ కార్ప్లే కనెక్టివిటీ టాప్ వేరియంట్ లో అందించబడుతుంది.  

మేము ముందు చెప్పినట్లుగా, నెక్సాన్ టాటా యొక్క మొట్టమొదటి కాంపాక్ట్ SUV అవుతుంది. భారతీయ కార్ల కొనుగోలుదారులు గత కొన్ని సంవత్సరాలలో సెడాన్లు లేదా హ్యాచ్‌బ్యాక్‌ల కంటే కాంపాక్ట్ SUV ల వైపు ఆకర్షించడంతో, నెక్సాన్ విజయవంతమైతే, టాటాకు గేమ్ ఛేంజర్ అని నిరూపించవచ్చు.