ఆటో ఎక్స్‌పో 2020 లో గ్రేట్ వాల్ మోటార్స్: ఏమి ఆశించవచ్చు

ఈ బ్రాండ్ 2021 లో హవల్ H6 SUV తో ఇండియన్ ఇన్నింగ్స్‌ను ప్రారంభించే అవకాశం ఉంది

• భారతీయ కార్ల మార్కెట్ 2020 ఆటో ఎక్స్‌పోలో గ్రాండ్ అరంగేట్రం చేయబోయే చైనా బ్రాండ్ గ్రేట్ వాల్ మోటార్స్ రూపంలో కొత్తగా ప్రవేశించబోతోంది. ఈ తయారీసంస్థ పూర్తిస్థాయి SUV ల నుండి చిన్న ఎలక్ట్రిక్ కార్ల వరకు షోకేస్‌ లో 10 కంటే ఎక్కువ సమర్పణలను కలిగి ఉంది.
• గ్రేట్ వాల్ మోటార్స్‌లో హవల్ (SUV ల లైన్) మరియు ఓరా (EV ల లైన్), GWM పిక్-అప్స్ మరియు WEY వంటి పలు రకాల బ్రాండ్లు ఉన్నాయి.

• GWM తన ఉత్పాదక సదుపాయాన్ని గుజరాత్‌ లోని సనంద్‌ లో ఏర్పాటు చేసి సుమారు 7,000 కోట్ల రూపాయల పెట్టుబడులు పెట్టబోతున్నట్లు తెలిసింది.
• ఆటో ఎక్స్‌పో 2020 కి రాగల అనేక మంది GWM హాజరైన వారిలో హవల్ H 6, ఒక మధ్యతరహా SUV, ఇది ఇప్పటికే దాని భారతీయ ట్విట్టర్ హ్యాండిల్‌ లో వాటి యొక్క చిత్రాల ద్వారా మనల్ని ఊరిస్తుంది.

• హవల్ H6 బ్రాండ్ నుండి మొదటి ఉత్పత్తిగా భావిస్తున్నారు మరియు MG హెక్టర్, మహీంద్రా XUV 500 మరియు టాటా హారియర్ వంటి వాటితో పోటీపడుతుంది. చైనా-స్పెక్ హవల్ H6 రెండు పెట్రోల్ T-GDI ఎంపికలలో లభిస్తుంది: 1.5-లీటర్ మరియు 2.0-లీటర్. ఇది ఇటీవల భారతదేశంలో టెస్టింగ్ చేయబడుతూ మా కంటపడింది.

• ఎక్స్పోలో హవల్ F7 ను చూడటానికి మీరు సిద్ధంగా ఉండండి. 4.6 మీటర్ల పొడవైన SUV జీప్ కంపాస్, హ్యుందాయ్ టక్సన్ వంటి వాటికి పోటీదారు మరియు 2.0-లీటర్ లేదా 1.5-లీటర్ డైరెక్ట్-ఇంజెక్షన్ టర్బో పెట్రోల్ ఇంజిన్‌ లతో లభిస్తుంది, ఇది 7-స్పీడ్ DCT ని కూడా కలిగి ఉంటుంది. దీని ఒక కూపే వెర్షన్ కూడా ఉంది, దానిని F7X అని పిలుస్తారు..
• టొయోటా ఫార్చ్యూనర్, ఫోర్డ్ ఎండీవర్ మరియు మహీంద్రా అల్టురాస్ G 4 వంటి వాటితో పోటీపడే హవల్ H 9 పూర్తి-పరిమాణ SUV ని కూడా GWM తీసుకురాగలదు. ఆసక్తికరమైన విషయం ఏమిటంటే, ఈ లాడర్ ఫ్రేమ్ SUV దాని చిన్న తోబుట్టువుల మాదిరిగానే 2.0-లీటర్ టర్బో పెట్రోల్ యూనిట్ ద్వారా కూడా పవర్ ని అందుకుంటుంది.

• ఆటో ఎక్స్‌పో 2020 లో ప్రవేశించబోయే అధిక సంఖ్యలో EV లను కూడా హవల్ జోడిస్తుంది. ఇందులో ప్రపంచంలోని చౌకైన ఎలక్ట్రిక్ కారు ఓరా R1 ఉంటుంది. ఇది 30.7 కిలోవాట్ల బ్యాటరీ ప్యాక్‌ను కలిగి ఉంది, ఇది ఛార్జీకి 351 కిలోమీటర్ల రేంజ్ ని కలిగి ఉంటుంది.​​​​​​​