మహీంద్రా ఎక్స్యూవి300

ఈ XUV300 సాంగ్యాంగ్ తివోలి వాహనం ఆధారంగా రూపొందించబడినది. అందుకే ఈ XUV యొక్క ప్రధాన వైఖరి తివోలి లా అనిపిస్తుంది. కానీ కొన్ని చిన్న చిన్న తేడాలు ఉన్నాయి. మొట్టమొదటిగా దీని యొక్క బూట్ స్పేస్(C-పిల్లర్ తరువాత) 4195 నుండి 3995mm వరకు అంటే 200mm వరకూ తగ్గించబడినది. దీని ఫలితంగా XUV300 ని ప్రక్క నుండి చూస్తే డిజైన్ పరంగా కొంచెం ఎబ్బెట్టుగా కనిపిస్తుంది.  

ప్రక్క నుండి చూస్తే, XUV300 మనకి హ్యుందాయి క్రెటా ని తలపిస్తుంది, ఇది ఒక మంచి పరిణామం. A-పిల్లర్,రూఫ్ లైన్ మరియు రూఫ్ రైల్స్(UK లో ఇది లేదు) ఇవన్నీ కారు యొక్క లుక్ కి దోహద పడుతున్నాయి. ఈ వాహనం ఇంకొంచెం పొడవుగా ఉండి ఉంటే SUV లుక్ మరీ అద్భుతంగా ఉండేది. దీనిలో ప్రీమియం లుక్ గురించి మాట్లాడుకుంటే,డైమండ్ కట్ అలాయ్స్ ప్రముఖ పాత్ర పోషిస్తున్నాయి. 

వెనుక నుండి చూస్తే, ఈ XUV కొంచెం దూకుడు తత్వంతో మరియు ప్రీమియం లుక్ ని కలిగి ఉంది, దీనికి కారణం కారు యొక్క మధ్య భాగం వెడల్పుగా ఉండడం వలన మరియు LED ఎలిమెంట్స్ ని కలిగి ఉన్న హై -సెట్ టెయిల్ ల్యాంప్స్. ఆ తివోలి కంటే కూడా దీని లుక్ చాలా బెటర్ గా ఉంది. అయితే, దీనిలో ప్యానెల్స్ మధ్య ఉన్నటువంటి గ్యాప్స్ సరిగా లేకపోవడం వలన దీని యొక్క రిచ్ లుక్ దెబ్బతింది. 

ఈ XUV300 కారు ఈ XUV విభాగంలో ఒక చిన్న కారు అయ్యుండొచ్చు, కానీ కారు లోపల భాగాలు చూస్తే, దీని కంటే పెద్ద కారు అయినటువంటి XUV500 లో కంటే అద్భుతంగా ఉంటాయి. దీని యొక్క క్యాబిన్ కి ఉన్నటువంటి రెండు రంగుల కలయిక వలన మంచి లుక్ వస్తుంది. దీనిలో లెథర్ సీట్లు తేలికైన రంగు ని కలిగి ఉండడం వలన దీని కంటే తరువాత విభాగంలో ఉన్నటువంటి కారులో కూర్చున్న అనుభూతి కలుగుతుంది. ఈ కారులో సీట్లు కి ఉన్నటువంటి దృఢమైన కుషన్లు వలన సీటు యొక్క కార్నర్స్ లో కూడా కుషన్ యొక్క అనుభూతి కలుగుతుంది. ఒకేఒక్క సమస్య ఏమిటంటే, సీట్లు లైట్ కలర్ లో ఉండడం వలన త్వరగా దుమ్ము పట్టే అవకాశం ఉంటుంది. 

దీనిలో డ్రైవర్ కి హైట్ అడ్జస్టబుల్ సీటు మరియు కూర్చొనే పొజిషన్ కి తగ్గట్టుగా స్టీరింగ్ ని అడ్జస్ట్ చేసుకొనే విధంగా టిల్ట్ అడ్జస్టబుల్ స్టీరింగ్ అందించబడుతున్నాయి. కానీ,డ్రైవర్ కి డెడ్ పెడల్ కోసం ప్లేస్ ఉండదు. దీనివలన దూరపు ప్రయాణాలు చేస్తున్నపుడు డ్రైవర్ యొక్క ఎడమ కాలు కి ఇబ్బంది కలుగుతుంది. అయితే,పొడుగు వారికి అయినా పొట్టి వారికి అయినా సరే, ముందర కూర్చున్న వారికి సరిపడా స్థలం ఉండి రోడ్డు స్పష్టంగా కనిపిస్తుంది. అలానే ముందర హుడ్ యొక్క అంచు కూడా క్లియర్ గా కనిపిస్తుంది.

దీనిలో రెండవ వరసలో సీట్లు కూర్చొనేవారిని సౌకర్యంగా ఉంటుంది. దీని యొక్క సీటు కి ఉండే కుషన్ మరియు సరిపడినంత నీ(మోకాలు) స్పేస్ మరియు హెడ్‌రూం ఉండి ఆరు అడుగుల ఎత్తు ఉండేవారికి కూడా సౌకర్యంగా ఉంటుంది. ఈ సీట్లలో ముగ్గురు కూర్చున్నా కూడా మధ్యలో కూర్చున్న పాసింజర్ కి ప్రక్కన కూర్చొనే వారి భుజాలు తగలకుండా సీటు ముందుకు నెడుతున్నట్టు సౌకర్యంగా ఉంటుంది. అయితే, క్రింద సీటు మాత్రం కూర్చొనే వారి తొడ క్రింద భాగం వద్ద చిన్నగా ఉంటుంది మరియు చిన్న విండో యొక్క ఏరీయా ఎక్కువ స్థలాన్ని ఆక్రమిస్తుంది. అయితే, కారు కి ఉన్నటువంటి అద్భుతమైన వీల్‌బేస్ మరియు వెడల్పు వలన వెనుక సీటులో ఎక్కువ స్థలం మరియు సౌకర్యాన్ని ఊహిస్తాము. అంతేకాకుండా, దీనిలో చార్జింగ్ ఆప్షన్లు తక్కువగా ఉండడం అనేది కొంచెం ఆశ్చర్యం. 

తివోలి నుండి XUV కి మార్పులు గమనించినట్లయితే,బూట్ స్పేస్ చాలా తక్కువగా అనిపిస్తుంది. మొత్తం పొడవులో 20mm తగ్గించడం వలన లగేజ్ పెట్టుకొనే సామర్ధ్యం ఒక మిడ్ సైజ్ హ్యాచ్ లా అనిపిస్తుంది. దీని 60:40 స్పిల్ట్ ఫోల్డింగ్ సీట్లు కొంత సౌకర్యాన్ని అందిస్తాయి, కానీ ప్రస్తుతం ఉన్న పోటీ తో చూసుకుంటే లగేజ్ పెట్టుకొనే స్థలం చాలా తక్కువ ఉంది. 

ప్రారంభించేటపుడు ఈ XUV300 పెట్రోల్ మరియు డీజిల్ రెండు ఇంజిన్లు తో అందించబడుతుంది. దీని 1.2 లీటర్ టర్బోచార్జెడ్ పెట్రోల్ ఇంజిన్ 110Ps పవర్ ని, 1.2 లీటర్ టాటా నెక్సాన్ అందించిన విధంగానే అందిస్తుంది. టార్క్ విషయానికి వస్తే, పెట్రోల్ 200Nm అద్భుతమైన టార్క్ ని అందిస్తుంది.అయితే, ప్రీ లాంచ్ టెస్ట్ డ్రైవ్ మాత్రం 1.5 లీటర్ డీజిల్ ఇంజన్ కే అందుబాటులో ఉంది. ఈ ఇంజన్ అద్భుతమైన 115Ps పవర్ మరియు 300Nm టార్క్ ని అందిస్తుంది. ఈ రెండు ఇంజన్లు ఇప్పుడు 6-స్పీడ్ మాన్యువల్ ట్రాన్స్మిషన్ తో మాత్రమే అందించబడుతున్నాయి. అయితే,తివోలి ఆల్ వీల్ డ్రైవ్ ఆప్షన్ తో అందించబడుతుంది, భారతదేశంలో ఇది వస్తుందని ఊహించనే లేదు. 

దీని 1.5 లీటర్ 4 సిలెండర్ డీజిల్ ఇంజిన్ మరేజో నుండి ఉద్భవించింది, కానీ కొన్ని మార్పులు చేయబడడం వలన మరింత ఎనర్జీ చేకూరింది. ప్రారంభించినపుడు కొద్దిగా డీజిల్ శబ్ధం మరియు కొద్దిగా ఇంజన్ కదిలికలు క్యాబిన్ లో ఉన్నట్టుగా అనిపిస్తుంది. అయితే, దీనిని ఒక పిర్యాదులాగా చెప్పడం లేదు, మరేజో కి ఉన్నటువంటి లుక్ దీనికి ఉండడం వలన ఇవన్నీ తుడిచిపెట్టేయచ్చు.

ఈ XUV300 డ్రైవింగ్ సులభంగా ఉంటుంది. ఇతర వాహనాలతో పోటీ పడాలంటే కొంచెం ప్రయత్నిస్తే సరిపోతుంది. మరేజో కంటే కొంచెం తేలికగా ఉంటూ 1500Rpm వద్ద అందించే టార్క్ మరింత ఉత్తేజకరంగా అనిపిస్తుంది. పట్టణ ప్రాంతాలలో కూడా దీనికి ఉన్న తేలికైన క్లచ్ వలన మృదువుగా సులభంగా వెళ్ళవచ్చు. దీని టైల్ గేర్ కి వెళ్ళినపుడు మాత్రం కొంచెం కష్టపడాలి. మరెజో వలే, ఈ ఇంజన్ కూడా తక్కువ స్పీడ్ లో ఎక్కువ గేర్ మీద వెళితే అంత మంచి అనుభూతి కలగదు. కొంచెం వంగి ఉన్నపుడు లేదా ఇంజన్ 1500rpm కంటే తక్కువ ఉన్నపుడు XUV300 ని సులభంగా ఆపవచ్చు. దీనికి డ్రైవింగ్ కి కొంచెం  అలవాటు పడాలి. ఇంధన సామర్ధ్యం గురించి మాట్లాడుకుంటే, ఇప్పటి వరకూ అధికారికంగా ఒక సంఖ్య అంటూ లేదు. కానీ మహీంద్ర సంస్థ మరెజో కి 17.3kpl ఇస్తుంది, ఇది దాని కంటే ఎక్కువ ఇస్తుందని ఊహిస్తున్నాము. 

దీనికి ఉన్నటువంటి స్టీరింగ్ వలన చాలా నమ్మకంగా డ్రైవ్ చేయవచ్చు. దీనిలో నార్మల్,కంఫర్ట్   మరియు స్పోర్ట్ అను మూడు డ్రైవింగ్ మోడ్ లు ఉన్నాయి, ఇవి స్టీరింగ్ బరువు ని మారుస్తాయి. కానీ,ఇవి వాహనం యొక్క టర్నింగ్ మీద ప్రభావం చూపించదు మరియు దీని యొక్క తేలికైన సుఖమైన మోడ్ ని అందరు ఇష్టపడతారు. దీని యొక్క సస్పెన్షన్  XUV300 ని అధిక వేగంలో చెడు రోడ్డులలో కూడా చక్కగా వెళ్ళేలా చేస్తుంది. వాహనం నెమ్మది అవుతున్నపుడు దీని యొక్క బ్రేకులు వలన సురక్షితమైన మరియు భద్రత ఫీలింగ్ కలుగుతుంది. పట్టణ ప్రాంతాలలో సస్పెన్షన్ విధానం వలన గంతలు ఉన్నా కూడా ఇబ్బంది కలగకపోవడం ఒక విధంగా ఆనందదాయకం.

భద్రత లక్ష్యంగా XUV300 అన్ని నాలుగు వీల్స్ కి డిస్క్ బ్రేకులు, EBD తో ABS,కార్నరింగ్ బ్రేక్ కంట్రోల్,డ్యుయల్ ఎయిర్‌బ్యాగ్స్ మరియు ISOFIX మౌంట్స్ ని ప్రాధమికంగా అందిస్తుంది. దీని టాప్ ఎండ్ వేరియంట్ 7 ఎయిర్‌బ్యాగ్స్,డ్రైవర్ యొక్క మోకాలు కి కూడా ఎయిర్‌బ్యాగ్ మరియు ESP ఆధారిత భద్రతా లక్షణాలు అయిన ట్రాక్షన్ కంట్రోల్,రోల్ ఓవర్ మిటిగేషన్,బ్రేక్ ఫేడ్ కంపెన్సేషన్ మరియు హిల్ స్టార్ట్ అసిస్ట్ కూడా అందించబడుతున్నాయి. అలాగే వెనకాతల సీటులో కూర్చొనే మధ్య వ్యక్తికి అడ్జస్టబుల్ హెడ్‌రెస్ట్ మరియు 3 పాయింట్ సీటు బెల్ట్ ఉండి XUV300 ని ఉన్నతంగా తీర్చిదిద్దుతున్నాయి. మీరు ముందర సీట్లను కానీ గమనించినట్లయితే, హైట్ అడ్జస్టబుల్ సీటు బెల్ట్స్ ఉండి వాహనం యొక్క ఉన్నతిని  పెంచుతున్నాయి.